Znajści
Ałharytmičny łacinski varyjant
04.03.2024 / 23:211RusŁacBieł

Jak EHU žyvie ŭ atmaśfiery pahrozy i niapeŭnaści

U studzieni prapahandyst Ihar Tur anansavaŭ, što Jeŭrapiejski humanitarny ŭniviersitet, maŭlaŭ, chutka pryznajuć u Biełarusi «ekstremisckaj arhanizacyjaj». A niadaŭna pasad rektara EHU pakinuŭ polski prafiesar Kšyštaf Rybiński, jaki prapracavaŭ va ŭniviersitecie tolki hod. U suviazi z hetym na situacyju z VNU źviarnuŭ uvahu partał Delfi.lt.

U efiry prapahandysckaj telepieradačy Ihara Tura havaryłasia, što EHU nibyta pazbaviŭsia finansavańnia, tamu «vyrašyŭ źviazacca ź dziejučym u Vilni Ofisam Śviatłany Cichanoŭskaj, kab atrymać ad jaho hrošaj». A častka vykładčykaŭ i studentaŭ, maŭlaŭ, vystupili suprać takoha rašeńnia.

Staršynia praŭleńnia EHU, kolišni litoŭski premjer, a ciapier jeŭradeputat Andrus Kubilus paćvierdziŭ, što ŭ EHU pahrozy łukašenkaŭskaha režymu ŭspryniali surjozna.

«Statystyka mnie nieviadomaja, ale niekalki čałaviek vyrašyli, što dla ich heta zanadta vialikaja ryzyka, i pakinuli VNU, ale hetych ludziej niašmat», — skazaŭ jon.

Dobra znajomy sa stanoviščam EHU čałaviek, jaki pažadaŭ zastacca ananimnym, zapeŭniŭ Delfi, što ŭniviersitet nikoli nie płanavaŭ źviartacca pa hrošy da Ofisa Cichanoŭskaj, usio heta tolki chłuśnia biełaruskich uładaŭ. Toje samaje paćvierdziŭ i pres-sakratar EHU Vilus Alesius, jaki adznačyŭ, što finansavańnie EHU atrymlivaje z fondu Patikos, a jon z Ofisam Cichanoŭskaj nie źviazany.

Andrus Kubilus taksama zapeŭniŭ Delfi, što pamiž VNU i Ofisam Cichanoŭskaj nie isnuje niejkaha asablivaha supracoŭnictva, ale heta, viadoma, nie moža pieraškodzić Łukašenku ŭ luby momant pryznać EHU «ekstremisckaj arhanizacyjaj», bo dla hetaha va ŭmovach sučasnaj Biełarusi nie patrabujecca nijakich asablivych padstaŭ.

Dobra znajomy ź situacyjaj čałaviek skazaŭ žurnalistu partała, što na adnoj z sustreč supolnaści EHU niekatoryja vykładčyki ź Biełarusi vykazalisia za spynieńnie lubych znosin z Ofisam Cichanoŭskaj, kab nie stavić univiersitet pad pahrozu. Adnak kiraŭnictva EHU adznačyła, što nie moža padparadkoŭvacca patrabavańniam biełaruskich uładaŭ.

Pavodle źviestak Delfi, paśla hetaj sustrečy ŭźnikli padazreńni ŭ dačynieńni da niekatorych vykładčykaŭ, adnosna jakich vyśvietliłasia, što jany vielmi časta jeździać u Biełaruś.

«Heta niebiaśpiečnaja kraina, tudy prosta tak nie jeździać, navat studentaŭ aryštoŭvajuć. Paŭstała pytańnie, jak heta tak, što dla adnych — niebiaśpiečna i jany tudy imknucca nie jechać, a inšyja jeździać tudy davoli časta», — zaŭvažyŭ surazmoŭca partała.

Pavodle źviestak Delfi, atmaśfiera niedavieru ŭzmacniłasia paśla taho, jak chtości ahučyŭ infarmacyju z sustrečy ź Cichanoŭskaj u ciesnym kole.

Stali vyśviatlać, ci niama ŭ EHU ludziej, jakija pracujuć na režym Łukašenki, ci niama ich siarod vykładčykaŭ, jakim dastupnyja śpisy studentaŭ VNU. Kali heta tak, to praz razhałošvańnie takich śpisaŭ niebiaśpieka moža pahražać blizkim studentaŭ.

Kubilus skazaŭ, što na hetaje pytańnie adkazać niemahčyma. Pakul danych pra heta niama.

«Navat kali b ja niešta viedaŭ, nie moh by kamientavać. Ale ja b nie ździviŭsia, kali b kaho-niebudź znajšli», — adkazaŭ jon.

Na jaho dumku, adna z pryčyn, pa jakich Łukašenka vyrašyŭ pahražać EHU — zanadta šmat moładzi imkniecca pakinuć Biełaruś.

Čytajcie taksama:

Rektar EHU prakamientavaŭ infarmacyju pra mahčymaje pryznańnie ŭniviersiteta «ekstremisckim»

EHU budzie pryznany «ekstremisckaj» arhanizacyjaj — ANT

Jak u EHU raźmiarkoŭvajuć hranty? 

«Kala 60% zaniatkaŭ idzie pa-rasiejsku, 2% — pa-biełarusku». Spytali rektara EHU pra charasmient, stypiendyi i demakratyju

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
3
Панылы сорам
14
Ха-ха
3
Ого
2
Сумна
3
Абуральна
26
2
Frau/adkazać/
05.03.2024
Hoda iduť, mietodička nie mieniajeccv)
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930