Znajści
Ałharytmičny łacinski varyjant
05.03.2024 / 09:272RusŁacBieł

Pačynajecca čarhovy sud nad žurnalistam za «ekstremisckuju dziejnaść»

Homielski abłasny sud siońnia pačynaje razhladać spravu palitźniavolenaha homielskaha žurnalista-fryłansiera Andreja Tołčyna. 64-hadovaha mužčynu abvinavačvajuć ŭ sadziejničańni ekstremisckaj dziejnaści (č. 1 art. 361-4 KK), dyskredytacyi Biełarusi (art. 369-1 KK) i paklopie na Łukašenku (č. 2 art.367 KK). Spravu pryznačany razhladać Dźmitryj Kazłoŭ, piša «Viasna».

Andrej Tołčyn — daŭni stvaralnik haradskoj haziety «Homielskija viedamaści», žurnalist-fryłansier, jaki supracoŭničaŭ ź niekalkimi niezaležnymi vydańniami. Tołčyna nieadnarazova zatrymlivali i sudzili za žurnalisckuju dziejnaść z 2017 hoda. Paśla pratestaŭ 2020 hoda žurnalist vyrašyŭ syści z prafiesii.

Jon byŭ zatrymany 27 vieraśnia 2023 hoda ŭ Homieli, a na nastupny dzień u kvatery Andreja siłaviki praviali pieratrus. U vyniku śledčyja zabrali kampjutarnuju techniku i inšyja ličbavyja nośbity.

Andreja Tołčyna pieraviali ŭ SIZA № 3 i suprać jaho zaviedziena kryminalnaja sprava.

Naprykancy listapada 2023 h. stała viadoma, što kryminalnuju spravu suprać Andreja śledčyja pieradali ŭ prakuraturu dla nakiravańnia ŭ sud.

Nahadajem, što pa infarmacyi BAŽ, u źniavoleńni zaraz znachodziacca 33 pradstaŭniki biełaruskich miedyja.

Padtrymajcie žurnalista paštoŭkaj albo listom: SIZA-3. 246003, h. Homiel, vuł. Knižnaja, 1A. Andrej Mikałajevič Tołčyn.

Čytajcie taksama:

Žurnalista Ihara Karnieja buduć sudzić za «ŭdzieł u ekstremisckim farmavańni»

Mužčynu, jakoha zatrymali paśla viartańnia z Polščy, buduć sudzić za «zdradu dziaržavie»

Zavočna biarucca sudzić Leanida Sudalenku i Juryja Ščučko

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
2
Ха-ха
0
Ого
0
Сумна
0
Абуральна
3
0
Usio pravilna skazaŭ /adkazać/
05.03.2024
Nie viedaju, što jon skazaŭ pra Łukašenku, ale skazaŭ usio absalutna pravilna.
0
Rečaisnaść /adkazać/
05.03.2024
Čarhovy palitviazień kali asudziać. Kazać praŭdu nia jość paklop ci dyskredytacyja. A ekstremizm tut ŭvohule nia ŭ temu, prydumka kštałtu vorahaŭ naroda.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930