U biełaruskich kramach źjaviŭsia pradukt amal pa 1000 rubloŭ za kiłahram
U praduktovych kramach Biełarusi źjaviŭsia niezvyčajny pradukt z Kitaja i Karei. Za maleńki pačak vahoj u 4 hramy prosiać amal čatyry rubli. Kali ž brać ceły kiłahram takoj pradukcyi, to daviadziecca addać amal 1000 rubloŭ.
Fota: «Anłajnier»
Havorka idzie pra sušanuju marskuju kapustu. Miarkujučy pa ŭsim, jana moža skłaści zdarovuju alternatyvu čypsam dla tych, chto siadzić na dyjecie ci prosta prytrymlivajecca pravilnaha charčavańnia.
Adna ŭpakoŭka vahoj u 4 hramy kaštuje 3 rubli 97 kapiejek. Adpaviedna, kiłahram praduktu abyjdziecca ŭ 992 rubli 50 kapiejek.
Skład praduktu taki: sušanaja marskaja kapusta; aliŭkavy alej; kunžutny alej; kukuruzny alej; sol. U nievialikaj upakoŭcy — niekalki vielmi tonkich płaścinak, jakija možna lohka razarvać. Pa pachu jany nahadvajuć sušanuju rybu, adznačyŭ internet-partał «Anłajnier», žurnalisty jakoha zaŭvažyli takuju navinku.
Anałahičnuju pradukcyju pad inšaj handlovaj markaj znajšło taksama vydańnie Telegram.news u anłajn-kramach Biełarusi. U apisańni paznačana, što «kapusta vyrasła ŭ vodach Cichaha akijana», a taksama źmiaščaje «vitaminy A, B, C, kalcyj, žaleza i jod». Termin prydatnaści — 15 miesiacaŭ, a enierhietyčnaja kaštoŭnaść na 100 hramaŭ składaje 319 kiłakałoryj.
Takim čynam, adzin pačak (4 h) źmiaščaje kala 13 kkał. Całkam dyjetyčny pradukt.
Čytajcie taksama:
Na MAZie stvaryli fudtrak dla Mak.by, kab jeździć pa Dažynkach
Novy italjanski pasoł prapanavaŭ ekspartavać syr ź Biełarusi ŭ Italiju
U čynoŭnikaŭ spytali, čamu ŭ kramach niama biełaruskaha časnaku. Što jany adkazali?
