Znajści
Ałharytmičny łacinski varyjant
18.03.2024 / 09:362RusŁacBieł

U matčy čempijanatu Turcyi fanaty zładzili hrandyjoznuju bojku z futbalistami supiernika prosta na poli

Zaŭziataram nie spadabalisia emocyi hulcoŭ.

U čempijanacie Turcyi pa futbole ŭpartaja honka za pieršaje miesca. «Fienierbachče» adstaje ad «Hałatasaraja» na dva bały. Praŭda, 30-y tur Supierlihi zapomniŭsia inšym — razborkami fanataŭ i futbalistaŭ prosta na poli, piša Championat.com.

Matč u Trabzonie atrymaŭsia dramatyčnym: «Fienierbachče» pavioŭ u dva miačy dziakujučy dublu Freda, ale ŭ druhim tajmie «Trabzanspor» adyhraŭsia. I ŭsio ž forvard «Fienierbachče», bielhijec Mišy Batšuai (były hulec «Čełsi») zabiŭ pieramožny hoł na 87-j chvilinie.

Adrazu paśla hulni futbalisty «Fienierbachče» sabralisia ŭ centralnym kruzie, kab skačučy adśviatkavać važnyja try bały. Pryčym rabili heta ŭ tym liku, demanstratyŭna paviarnuŭšysia da trybuny. U hety momant na pole vybieh adzin ź miascovych fanataŭ u mascy, jaki ahresiŭna palez na hulcoŭ.

Fota: Hakan Burak Altunoz / Getty Images

Futbalisty «Fienierbachče» pajšli na jaho ŭ adkaz. Asabliva pastaraŭsia abaronca Brajt Asai-Samuel, jaki, mabyć, nie tak mocna stamiŭsia za 90 chvilin hulni. Jon pavaliŭ i chulihana, i supracoŭnika, jaki sprabavaŭ ich raźniać.

Fota: Hakan Burak Altunoz / Getty Images

Photo by Huseyin Yavuz/dia images via Getty Images

Da hetaha momantu na pole ŭžo rvanuli fanaty z usich čatyroch trybun. U hetaj situacyi futbalisty «Fienierbachče» ekstranna pabiehli ŭ raspranalniu, pakul ściuardy na poli sprabavali (nie asabliva ŭdała) strymać miascovych zaŭziataraŭ.

U vyniku la tunela, jaki viadzie ŭ raspranalniu, atrymałasia ciskanina. Sotni fanataŭ sprabavali dabracca da futbalistaŭ.

Miarkujučy pa ŭsim, nichto z futbalistaŭ «Fienierbachče» nie atrymaŭ surjoznych paškodžańniaŭ. Choć u raspranalni futbalisty paziravali z akryvaŭlenymi futbołkami.

Čytajcie taksama:

«Reał» (Madryd) — «Mančester Sici». Prajšli losavańni 1/4 finału Lihi čempijonaŭ, Lihi Jeŭropy i Lihi kanfierencyj

Nievierahodny Jan Obłak vyciahnuŭ madrydski «Atletyka» ŭ čverćfinał Lihi čempijonaŭ

Futbalist Arciom Mileŭski raskazaŭ, jak patrapiŭ u komu

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
4
Панылы сорам
11
Ха-ха
3
Ого
0
Сумна
0
Абуральна
2
0
Š/adkazać/
18.03.2024
Tołkať v kabinu sapohami ich
0
2020/adkazać/
18.03.2024
Turki odnim słovom
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera