Znajści
Ałharytmičny łacinski varyjant
19.03.2024 / 07:57RusŁacBieł

U «Sałavacie Jułajevie» paćvierdzili hibiel Kanstancina Kalcova

Abstaviny śmierci nie nazyvajucca: kłub vykarystaŭ farmuloŭku «pajšoŭ z žyćcia».

Belarushochey.by

Pres-słužba «Sałavata Jułajeva» ŭ aficyjnym telehram-kanale kłuba paćvierdziła infarmacyju, jakaja źjaviłasia ŭ ŚMI, pra hibiel Kanstancina Kalcova, jaki źjaŭlaŭsia pamočnikam hałoŭnaha treniera Viktara Kazłova.

«Z hłybokim smutkam paviedamlajem, što pajšoŭ z žyćcia trenier «Sałavata Jułajeva» Kanstancin Kalcoŭ. Jon byŭ mocnym i žyćciaradasnym čałaviekam, jaho lubili i pavažali hulcy, kalehi, zaŭziatary. Kanstancin Jaŭhienavič nazaŭždy ŭpisaŭ siabie ŭ historyju našaha kłuba. Kalcoŭ vyjhravaŭ čempijanat Rasii i Kubak Haharyna ŭ składzie «Sałavata Jułajeva», prarabiŭ vialikuju pracu ŭ trenierskim štabie kamandy.

Chakiejny kłub «Sałavat Jułajeŭ» vykazvaje spačuvańni rodnym i blizkim Kanstancina Jaŭhienaviča Kalcova. Śvietłaja pamiać… « — skazana ŭ paviedamleńni.

Adznačym, što Kalcoŭ sustrakaŭsia ź biełaruskaj tenisistkaj Arynaj Sabalenka.

Raniej paviedamlałasia, što Kalcoŭ nie budzie praciahvać pahadnieńnie z ufimskaj kamandaj i płanuje praciahnuć pracu ŭ inšaj arhanizacyi. Nahadajem, Kalcoŭ uvajšoŭ u trenierski štab «Sałavata Jułajeva» ŭ 2022 hodzie.

Da hetaha jon pracavaŭ u «Spartaku», a taksama ŭznačalvaŭ «Dynama-Maładziečna» ź biełaruskaj Ekstralihi.

U NCHŁ Kalcoŭ vystupaŭ za «Pitsburh Pinhvinz», za jaki pravioŭ 144 matčy, zabiŭšy 12 hałoŭ i zrabiŭšy šeść vynikovych pieradač.

Čytajcie taksama:

U ZŠA zahinuŭ chakieist Kanstancin Kalcoŭ — bojfrend Aryny Sabalenka

Salej, Cypłakoŭ, Kalcoŭ — losy biełaruskich chakieistaŭ, jakija pieršymi skarali NCHŁ, vydalisia trahičnymi

Kanstancin Kalcoŭ zahinuŭ u Majami

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
1
Ха-ха
1
Ого
3
Сумна
1
Абуральна
1
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera