U Kiraŭskim rajonie pradali z aŭkcyjona staruju prybiralniu-«špakoŭniu»
Na placoŭcy «BiełJurZabieśpiačeńnie» 19 sakavika pradali staruju draŭlanuju prybiralniu ŭ vioscy Čyhirynka Kiraŭskaha rajona. Raniej abjekt naležaŭ pryvatnamu pradpryjemstvu, a na tarhi jaho vystavili z-za daŭhoŭ kampanii.
Fota: «BiełJurZabieśpiačeńnie»
Tarhi byli pryznačanyja na 19 sakavika, startavaja cana abjekta była vyznačanaja ŭ 590 rubloŭ. Jak ni dziŭna, znajšoŭsia i ŭdzielnik aŭkcyjona, jaki ŭnios zadatak u pamiery 59 rubloŭ. Kankurentaŭ u jaho nie było, tamu ŭ vyniku jon i staŭ ščaślivym uładalnikam prybiralni — kanstrukcyi, jakuju ŭ narodzie nazyvajuć «špakoŭniaj».
«Adnapaviarchovym daščanym budynkam prybiralni na dva ački» płoščaj u dva kvadratnyja mietry kala vioski Čyhirynka Kiraŭskaha rajona raniej vałodała lesapierapracoŭčaje TAA «Mahiloŭlesakompleks». Majomaść hetaha pradpryjemstva aryštavali za daŭhi.
Čytajcie taksama:
U Breście pradali fabryku, jakaja vypuskała savieckich matrošak
«Ź vidam na Madejru». Na biełaruskaj zapraŭcy jość vielmi niezvyčajnaja prybiralnia
