Znajści
Ałharytmičny łacinski varyjant
22.03.2024 / 07:47RusŁacBieł

Brazilski futbalist Rabińju budzie adbyvać termin za zhvałtavańnie ŭ Italii ŭ siabie na radzimie

Zhvałtavańnie jon ździejśniŭ 10 hadoŭ tamu.

Fota: Etsuo Hara / Getty Images

Były forvard zbornaj Brazilii, madrydskaha «Reała» i «Miłana» Rabińju (Robsan dy Soŭza) aryštavany brazilskaj palicyjaj dla adbyćcia dzieviacihadovaha turemnaha terminu za zhvałtavańnie, jakoje jon ździejśniŭ 10 hadoŭ tamu ŭ Italii, piša Bi-bi-si.

«U čaćvier viečaram fiederalnaja palicyja vydała order na aryšt Robsana de Soŭzy, viadomaha jak Rabińja», — havorycca ŭ zajavie palicyi.

40-hadovy Rabińju byŭ aryštavany ŭ svajoj kvatery ŭ rodnym horadzie Santus u štacie San-Paŭłu, dzie pražyvaŭ apošni čas. Raniej miascovy sudździa kanfiskavaŭ jahony pašpart i zabaraniŭ pakidać krainu.

U 2017 hodzie italjanski sud prysudziŭ futbalista da dzieviaci hadoŭ turemnaha źniavoleńnia, pryznaŭšy jaho i jašče piaciarych mužčyn vinavatymi ŭ hrupavym zhvałtavańni 22-hadovaj hramadzianki Ałbanii ŭ načnym kłubie Miłana ŭ 2013 hodzie.

Rabińja admaŭlaŭ abvinavačvańni i abskardziŭ prysud, adnak apielacyjnyja instancyi pakinuli jaho ŭ sile.

U studzieni 2022 hoda Viarchoŭny kasacyjny sud Italii kančatkova paćvierdziŭ prysud, paśla čaho Ministerstva justycyi Italii vydała mižnarodny order na aryšt futbalista.

Italjanskija ŭłady adpravili zapyt ab ekstradycyi Rabińju, adnak atrymali admovu, pakolki Brazilija nie vydaje svaich hramadzian zamiežnym dziaržavam.

Paśla hetaha italjanski ŭrad zapatrabavaŭ, kab futbalist adbyvaŭ pakarańnie ŭ Brazilii. U sieradu brazilski sud padtrymaŭ hetaje rašeńnie i pastanaviŭ, što Rabińju pavinien adbyvać termin za kratami, a nie pad chatnim aryštam.

Rašeńnie suda atrymała vysokuju acenku mnohich pradstaŭnikoŭ miascovych ŚMI i hramadskaści, jakija vykazvali aściarohi, što Rabińju atrymajecca paźbiehnuć pakarańnia.

Čytajcie taksama:

Sud Barsiełony vyzvaliŭ futbalista Dani Ałviesa pad zakład €1 miljon

Pamior telekamientatar Vasil Utkin

U matčy čempijanatu Turcyi fanaty zładzili hrandyjoznuju bojku z futbalistami supiernika prosta na poli

Čytajcie taksama:

Ukraina za 5 chvilin da katastrofy pieraviarnuła matč z Bośnijaj, a Kazachstan razhromleny

Biełarusy zhulali ŭ futboł z čarnahorcami, vynik tak sabie. VIDEA hałoŭ

Sud Barsiełony vyzvaliŭ futbalista Dani Ałviesa pad zakład €1 miljon

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
2
Панылы сорам
0
Ха-ха
0
Ого
0
Сумна
1
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera