ZŠA paprasili Ukrainu spynić ataki na rasijskija NPZ
Dalejšyja ataki mohuć pryvieści da rostu suśvietnych cen na naftu.
ZŠA paprasili Ukrainu spynić ataki na rasijskija NPZ, paviedamlaje Financial Times sa spasyłkaj na krynicy. Pa słovach surazmoŭcaŭ vydańnia, Vašynhton aścierahajecca, što ŭdary bieśpiłotnikaŭ pa rasijskich NPZ mohuć pryvieści da rostu suśvietnych cen na naftu, a taksama spravakavać miery ŭ adkaz z boku Maskvy.
Amierykanskaja administracyja, piša FT, nieadnarazova ab hetym papiaredžvała vysokapastaŭlenych čynoŭnikaŭ Słužby biaśpieki Ukrainy (SBU) i Hałoŭnaha ŭpraŭleńnia raźviedki Minabarony Ukrainy (HUR). Abodva hetyja padraździaleńni z pačatku poŭnamaštabnaj vajny ŭvieś čas pašyrajuć ułasnyja prahramy bieśpiłotnikaŭ dla naniasieńnia ŭdaraŭ pa rasijskich celach na sušy, u mory i ŭ pavietry, piša «Mieduza».
Adna z krynic vydańnia zajaviła, što Bieły dom usio bolš rasčaroŭvajecca ŭ atakach ukrainskich dronaŭ pa naftapierapracoŭčych zavodach, terminałach, składach i schoviščach na zachadzie Rasii.
Čytajcie taksama:
Nočču adbyłasia maštabnaja ataka BPŁA na Rasiju. Hareŭ čarhovy NPZ
Bieśpiłotniki atakavali Enhiels Sarataŭskaj vobłaści
«Rasija — heta bienzakałonka z armijaj. I my majem namier źniščyć hetuju bienzakałonku»
pa rasijskiCh CELACH !
"META" ---- HETA TOJE, ŠTO Ŭ HAŁAVIE!!!!!!!!!!!!!
https://nashaniva.com/338959