Znajści
Ałharytmičny łacinski varyjant
05.04.2024 / 15:101RusŁacBieł

Śpiavačka AnaMova vypuściła klip, pryśviečany zabitaj u Varšavie Lizie

Pieśnia «Rite of Passage» naradziłasia ŭ toj dzień, kali ŭ Varšavie była zhvałtavana biełaruska Liza.

Skrynšot ź videa

Biełaruska-polskuju artystku AnaMova mocna kranuła historyja dziaŭčyny. «Hetaja pieśnia — pasłańnie našamu śvietu, dzie žančyny znachodziacca ŭ pastajannaj niebiaśpiecy», — kaža śpiavačka. Zaraz u kampazicyi źjaviŭsia klip, jaki stvaryŭ art-kalektyŭ Heartbreaking Performance, piša Reform.by.

Źjaŭlajučysia aktyvistkaj, AnaMova stvaraje muzyku pra toje, što balić u hramadstvie:

«Hetaja pieśnia naradziłasia ŭ toj dzień, kali ŭ Varšavie była zhvałtavana biełaruskaja dziaŭčyna. Praź niekalki dzion jana pamierła ŭ balnicy. Supolnaść emihrantaŭ i ludzi, jakija zmahajucca za pravy žančyn, byli šakavanyja i apłakvali jaje, adbyŭsia vialiki marš u centry Varšavy. Hetaje žudasnaje złačynstva spravakavała ŭ asiarodździ biełarusaŭ šmat uspaminaŭ pra padobny dośvied; žančyny pačali raspaviadać svaje historyi, u biełaruskaj supolnaści pračnuŭsia ruch, padobny na #metoo, jaki hrymieŭ niekalki hadoŭ tamu.

Hetaja pieśnia — pasłańnie našamu śvietu, dzie žančyny znachodziacca ŭ pastajannaj niebiaśpiecy. Napadajučy na žančynu, złačyniec pazbaŭlaje jaje nie tolki prava na žyćcio ci prava na aŭtanomiju cieła, ale i prava, naprykład, patelefanavać mamie ci źjeści ŭ apošni raz lubimuju stravu.

Prava žančyny pražyć svaje apošnija dni viedajučy, što hetyja dni — apošnija…».

«Spadziajemsia, što tvor budzie suhučny z usimi, kaho kranuŭ chešteh #chopićhvałcić», — adznačajuć stvaralniki klipa.

U zdymkach videa prymali ŭdzieł biełaruskija i polskija aktory i aktyvisty: Hanna Mackievič, Maksim Stasievič, Andrej Novik, Aksiel Novik, Hiena Burakoŭski, Alaksiej Janukovič. Režysior — Hanna Mackievič.

AnaMova naradziłasia ŭ Minsku, z 2016 viadzie tvorčuju dziejnaść u Polščy. Pačaŭšy svoj artystyčny šlach jak rok-muzyka, śpiavačka praciahnuła karjeru ŭ halinie opiery. U apošni čas poŭnaściu zasiarodziłasia na ŭłasnych tvorach. Jaje ŭnikalny styl spałučaje rok, kłasiku, folk i muzyku kino.

Art-kalektyŭ Heartbreaking Performance (HbP) viadomy jak stvaralnik prajektaŭ: kina-antałohii «Miensk 2020-2021», vystavy i fotaalboma «Ja chaču dadomu», kross-miedyjalnaha śpiektakla «Spoviedź» dy inšych inicyjatyvaŭ.

Čytajcie taksama:

«Mnie paščaściła. A Lizie — nie». Paśla śmierci biełaruski ŭ Varšavie ŭ siecivie šyrycca chešteh #chopićhvałcić — voś što pišuć 

Śviedki raspaviali, čamu nie vyklikali palicyju padčas zhvałtavańnia biełaruski ŭ Varšavie

«Jaje zvali Liza». U Varšavie prajšoŭ Marš u pamiać ab zhvałtavanaj i zabitaj biełaruscy REPARTAŽ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
3
Панылы сорам
0
Ха-ха
0
Ого
0
Сумна
1
Абуральна
0
0
Jo/adkazać/
05.04.2024
“Hetaja pieśnia — pasłańnie našamu śvietu, dzie žančyny znachodziacca ŭ pastajannaj niebiaśpiecy. “ Mužčyny znachodziacca ŭ takoj samaj niebiaśpiecy. Niekalki hadoŭ tamu majho siabra zabili nažom u serca ŭ samym centry Bierlina. Jon vybieh na prabiežku ŭ park i bolej nie viarnuŭsia. Ale ja nie pamiataju cheštehaŭ #chopićzabivać i piesien u jaho honar. Zabojcu, darečy, da hetaha času nie znajšli.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031