Znajści
Ałharytmičny łacinski varyjant
11.04.2024 / 11:0764RusŁacBieł

«Vas by rasijanie i Pucin zžerli, jak jelcynskich demakrataŭ». Stała viadoma, što Łukašenka havaryŭ na sustrečy z palitviaźniami ŭ SIZA KDB

Palittechnołah Vital Šklaraŭ raskazaŭ «Radyjo Svaboda» raniej nieviadomyja detali pra vizit Łukašenki ŭ SIZA KDB 10 kastryčnika 2020 hoda.

Alaksandr Łukašenka na sustrečy z palitźniavolenymi ŭ SIZA KDB. 10 kastryčnika 2020 hoda. Skrynšot ź videa ANT

10 kastryčnika 2020 hoda Alaksandr Łukašenka sustreŭsia ŭ SIZA KDB z hrupaj palitźniavolenych. Sens i mety toj sustrečy nie adrazu stali zrazumiełyja.

Na sustrečy prysutničali Viktar Babaryka, jahony syn Eduard, Siarhiej Cichanoŭski, adzin z kiraŭnikoŭ kampanii PandaDoc Dźmitryj Rabcevič, juryst Lilija Ułasava, były top-mieniedžar «Biełhazprambanka» Siarhiej Dabralot, uładalnik halerei «Ŭ» Alaksandr Vasilevič, Kiryła Badziej, jaki ŭznačaliŭ «Biełhazprambank» paśla adstaŭki Babaryki, Vital Šklaraŭ, advakat Maksim Znak, advakat Illa Salej, biznesoviec i tahačasny siabra inicyjatyŭnaj hrupy Babaryki Juryj Vaskrasienski, jaki, jak vyjavicca, byŭ ahientam śpiecsłužbaŭ, infiltravanym u SIZA.

Vital Šklaraŭ kaža, što šmat dumaŭ i sprabavaŭ zrazumieć, navošta Łukašenka arhanizavaŭ tuju sustreču z palitviaźniami.

— Dumaju, što na momant žniŭnia-vieraśnia Łukašenka nie razumieŭ, što adbyvajecca. Jon pryvyk da taho, što kantraluje situacyju. Čałaviek 30 hadoŭ žyvie na svajoj arbicie, dzie ŭsio niepachisna, a tut adbyvajecca niešta, što ty nie možaš patłumačyć. Čałaviek ź jahonaj adukacyjaj i žyćciovym dośviedam nie moža zrazumieć, što ludzi mohuć być inšyja, što jany źmianilisia, što čas inšy. Jon paranaidalna šukaŭ zdradnikaŭ, zavadataraŭ, maskoŭski, amierykanski śled va ŭsim hetym. Šukaŭ, jak ža tak adbyłosia, chto pačaŭ i čamu. Jon nie moh na toj momant zrazumieć, što ŭvieś pratest byŭ absalutna decentralizavany i bieź lidarstva. U jaho, napeŭna, byŭ nabor hipotezaŭ, čamu heta adbyvałasia.

Palittechnołah miarkuje, što na sustreču pryjechaŭ adzin Łukašenka, a paśla jaje heta byŭ zusim inšy Łukašenka.

— Jon chacieŭ pahladzieć, što heta za ludzi, jak jon kazaŭ, jakija chočuć jaho «źnieści z ułady». Heta byŭ adzin čałaviek, jaki zajšoŭ u kamieru da pačatku razmovy, a ŭ siaredzinie, pry kancy razmovy heta byŭ zusim inšy čałaviek.

Mnohija z prysutnych pavinny byli zapomnić frazu, jakuju jon kinuŭ. Jana mnie razanuła słych i zapomniłasia nadoŭha. Jon skazaŭ: «Jak dobra, što ŭ vas ničoha nie atrymałasia. Vy dzieci, vy jašče nie razumiejecie, što takoje palityka, vas by rasiejcy i Pucin zžerli b, jak jelcynskich demakrataŭ». Sychodziŭ jon u poŭnaj pierakananaści, jak mnie padałosia, što nas možna nie bajacca, što jon kantraluje situacyju, što my «ŭsie dzieci».

Pavodle Šklarava, Łukašenka razmaŭlaŭ z kožnym z pryviezienych na sustreču palitviaźniaŭ.

— Byŭ dyjałoh. Šmat razmovaŭ było i pra Biełaruś, i pra reformu Kanstytucyi (tady jana naśpiavała), pra sami pratesty.

Da mianie źviartaŭsia, havoračy pra mianie jak da amierykanskaj (u miakkim sensie słova) žančyny lohkich pavodzinaŭ i jak da zdradnika, jaki pracuje na FBR, jaki razam z palakami zavaryŭ usiu hetuju kašu.

Jon nie moh zrazumieć i dahetul nie razumieje, što jahonaja kanśpirałohija — heta ŭsiaho tolki historyja, jakaja žyvie ŭ jahonaj hałavie. Nijakaj zmovy, FBR ci palakaŭ, jakija na miažy tolki čakajuć zahadu z ZŠA, kab pačać uvarvańnie ŭ Biełaruś, niama.

Jon žyvie ŭ svaim śviecie, u svaim padmanie.

@nashanivanews Katastrofa Łukašenki. Biełarusaŭ stała na paŭtara miljona mienš #biełaruś#biełorusy#łukašienko#aleksandrłukašienko#biełaruśnovosti#minsksiejčas#biełaruskajamova#biełaruskityktok♬ Sudno - slowed & fixed - LLXVD

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
43
Панылы сорам
55
Ха-ха
14
Ого
6
Сумна
10
Абуральна
43
0
dočka Maksima Dizajniera/adkazać/
13.04.2024
i eto... Maksim Dizajnier, jeśli ispolzujut vaš nik (ja vied́ tožie ispolzuju)), eto žie chorošo. eto popularnosť. nie ob etom li vy miečtali)

pejse. no eto nienastojaŝij Dizajnier. ni odin, ni vtoroj (voobŝie-to eto skorieje vsieho odin čiełoviek - sam siebie otviet napisał). mavo Dizajniera ja uznaju iz tysiači) čto-to nie vidno jeho davno. ja skučajet (
0
3%/adkazać/
14.04.2024
Prezident dziaržavy tak nie skaža. Pryznačaniec kaža što napišuć.
0
Maje racyju /adkazać/
14.04.2024
Kali zžer sam Łukašenka, to zžer by j Pucin. 

Denacyjalizavanyja zmaskalenyja pratestanty za vsio charošeje - nichto, nol biez pałki, pakryŭžanyja chałopy. Navat nia treba ŭ kanśpirałohiju ŭdaracca. Dastatkova vačej, kab pabačyć vyniki śviata niepasłuchmianaści, i mazhoŭ, kab uśviadomić bačanaje. 
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera