Znajści
Ałharytmičny łacinski varyjant
21.04.2024 / 07:009RusŁacBieł

Ź jakoj nahody biełarusam u emihracyi pišuć siłaviki i što rabić, kali pišuć vam

Raspytali biełarusaŭ zamiežža pra toje, ź jakoj nahody im telefanujuć siłaviki. Jurystka «Viasny» dała rekamiendacyi, jak lepš dziejničać u takich vypadkach.

Kałaž «Našaj Nivy»

Vykliki na dopyty za ŭdzieł u pratestach ci kamientary

Časta takija zvanki adbyvajucca sa Śledčaha kamiteta. Niekatorym pišuć adrazu ŭ miesiendžary. Prapanujuć «viarnucca i schadzić na dopyt», pierakonvajuć, što pakarańnie nie budzie źviazanaje z pazbaŭleńniem voli, a da suda možna budzie znachodzicca doma. Nam nieviadomyja vypadki, kab ludzi pahadžalisia na takija prapanovy.

Administratyŭnaje pakarańnie

Niekatorym ludziam pisali ludzi, jakija pradstaŭlalisia siłavikami. Jany prapanavali viarnucca i «atrymać administratyŭnaje pakarańnie i žyć spakojna». 

Pahrozy

My znajšli dva vypadki, kali ludziam pisali z pahrozami ludzi, jakija mieli ŭ naźvie akaŭnta słova «HUBAZiK». Jany kazali, što «chočuć parazmaŭlać» i vykazvali škadavańnie pra toje, što čałaviek paśpieŭ źjechać da taho, jak ź im «parazmaŭlali».

Danaty

Supracoŭniki KDB pisali i telefanavali niekatorym biełarusam zamiežža praz toje, što jany achviaravali ŭ roznyja inicyjatyvy. Maŭlaŭ, treba viarnucca i zapłacić «vykup».

Nam viadomyja jak minimum dva vypadki, kali ludzi viartalisia ŭ Biełaruś i sami išli ŭ KDB praz strach za rodnych. U abodvuch vypadkach paśla jany zdoleli viarnucca za miažu.

Dapamoha palitviaźniam

Pra toje, što siłaviki pišuć aktyvistam, jakija dapamahali palitviaźniam, napisaŭ Dissidentby. My daviedalisia, što takich vypadkaŭ jašče jak minimum niekalki. Ludziej pytajucca pra toje, adkul jany brali hrošy na dapamohu palitviaźniam, pra toje, ci znajomyja z tymi, kamu dapamahali.

Viadoma, što telefanujuć i svajakam hetych ludziej, niekatorych vyklikali na dopyt.

Byłyja palitviaźni i tyja, chto źbieh z «chimii»

Byłym palitviaźniam telefanujuć za miažu, a taksama prychodziać da ich svajakoŭ, navat kali dakładna viedajuć, što jany daŭno nie ŭ Biełarusi. «Chimikam» prapanujuć taksama skazać, dzie jany žyvuć i dasłać paćvierdžańnie znachodžańnia za miažoj.

Što rabić, kali telefanujuć vam?

Na hetyje pytańnie «Našaj Nivie» adkazała jurystka «Viasny» Śviatłana Hałaŭniova:

«Ja b u lubym vypadku pa mahčymaści ihnaravała siłavikoŭ i nie davała im anijakich źviestak.

Kali vy vyjechali i paśla vam telefanujuć, to heta moža być što zaŭhodna.

Moža, prymajuć rašeńnie pa tym, ci adkryvać śpiecyjalnuju vytvorčaść. Moža, iduć niejkija śledčyja dziejańni pa kryminalnaj spravie suprać vas ci vašych znajomych. Moža, heta prosta sproba cisku na vas.

Jašče adzin momant — heta mahčymyja sproby nacisnuć na vas praz svajakoŭ. Tut užo vam vyrašać, što rabić, i samim uzvažvać ryzyki. Ale davać infarmacyju, jakaja mahła b vas skampramietavać, nie varta.

Kali vy za miažoj i vas vyklikali na dopyt, vam ničoha nie budzie za toje, što vy na jaho nie źjavilisia. Pa ŭchileńni ad dačy pakazańniaŭ na vas nie mohuć zavieści zavočnuju kryminalnuju spravu.

U vypadku tych, chto źbieh z «chimii» i nie pačaŭ adbyvać pakarańnie, milicyjantam treba atrymać paćvierdžańnie taho, što čałavieka niama ŭ Biełarusi. Heta robicca dla taho, kab aficyjna abjavić u vyšuk. U niekatorych prosiać damovy arendy i inšyja dakumienty, jakija b paćviardžali stałaje žycharstva za miažoj. To-bok, treba heta vyklučna milicyjantam».

A što kazać svajakam, jakim telefanujuć i pytajucca pra vas?

«Ja b raiła svajakam zvodzić usio tolki da aficyjnaj kamunikacyi. To-bok kali vas sprabujuć apytać, vy možacie paprasić dasłać paviestku. Padčas dopytu ŭ takim vypadku vy možacie admovicca śviedčyć suprać svajho svajaka. Choć jasna, što heta ciažka.

Kali vy vyrašyli ŭsio ž hutaryć ź siłavikami, to davajcie minimum infarmacyi. Niama sensu im dapamahać, tym bolš padčas nieaficyjnaj razmovy».

Taksama Śviatłana nie raić kazać, što svajak za miažoj, bo heta sprościć zaviadzieńnie tak zvanaj «śpiecyjalnaj vytvorčaści», dla jakoj treba davieści, što čałaviek znachodzicca za miažoj. Idealny adkaz — nie viedaju, bo zaraz nie padtrymlivaju kamunikacyju.

«Naša Niva» — bastyjon biełaruščyny

PADTRYMAĆ

Čytajcie taksama:

Cisnuć na baćkoŭ, biaruć najaŭnymi i pajšli pa druhim kruzie. Jak ź biełarusaŭ praciahvajuć treści «kampiensacyju» za danaty

Siłaviki spampavali historyju čataŭ biełarusaŭ zamiežža i pišuć udzielnikam. Padobna, što ŭ HUBAZiKa novaja taktyka

Telefonnyja machlary: jak jany pracujuć i jak nie patrapicca

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
19
Панылы сорам
3
Ха-ха
7
Ого
4
Сумна
18
Абуральна
42
2
Połkovniku nikto nie pišiet/adkazać/
21.04.2024
Satan, taki da. 
0
Połkovnik/adkazać/
21.04.2024
Satan, žieniťsia, ty durak?
0
Gorliwy Litwin/adkazać/
21.04.2024
Satan, Połkovnik,iany amal  usie mužčyny, ale biseksuały. Zvyčajna prapanujuć pašyryć miežy prymalnaha. Tak što na cycuni ja b nadta nie raźličvaŭ. Chiba što na mocny siabroŭski dykpik
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera