Znajści
Ałharytmičny łacinski varyjant
12.04.2024 / 11:5011RusŁacBieł

46-hadovy viciebčuk pa pjani bolš za hod ździekavaŭsia z žonki, źbivaŭ jaje i złamaŭ nos. Sud prajaviŭ niečakanuju humannaść

Žonka prasiła vyzvalić muža ad kryminalnaj adkaznaści, bo jany «prymirylisia».

Juryj i Julija. Fota z «Adnakłaśnikaŭ»

Asudžany — 46-hadovy Juryj. Jahonaja achviara — Julija, joj 47. U ich dvoje supolnych dziaciej, ale aficyjna jany nie ŭ šlubie. Viadoma, što Juryj złoŭžyvaje ałkaholem — u 2022-m na jaho składali pratakoły za raśpićcio ałkaholu ŭ hramadskich miescach, a ŭ 2023-m — za drobnaje chulihanstva.

Zhodna z pastanovami sudoŭ, apublikavanymi na sajcie pravo.by, kanflikty ŭ siamji byli rehularnymi. Pieršy administratyŭny sud nad Juryjem prajšoŭ u žniŭni 2023-ha za «pryčynieńnie cialesnaha paškodžańnia».

Druhi sud byŭ pa kryminalnym artykule «pahroza zabojstvam». Adbyłosia heta 30 lipienia 2023-ha. Juryj byŭ doma pjany. Nieviadoma, z čaho pačałasia svarka, ale jon spačatku šturchnuŭ Juliju na kanapu tak, što jana ŭpała na pravy bok. Paśla hetaha jon padyjšoŭ da jaje zzadu, schapiŭ za šyju rukami i pačaŭ dušyć. Heta jon supravadžaŭ pahrozami zabojstva. Jana zastałasia žyvoj i 18 žniŭnia napisała na jaho zajavu ŭ milicyju.

Juryju pahražała da troch hadoŭ kałonii. Ale jaho nie tolki adrazu vypuścili pad padpisku ab niavyjeździe, ale i sud daŭ śmiešnaje pa mierkach artykuła pakarańnie — 260 hadzinaŭ hramadskich rabot. Jašče da hetaha jamu pastavili dyjahnaz «ałkahalizm».

Ale nieŭzabavie na Juryja zaviali jašče adnu spravu — za katavańnie. Pieršapačatkova jamu pahražała da piaci hadoŭ kałonii, ale i tut jaho vypuścili da suda pad padpisku.

Na sudzie prahučała infarmacyja pra čatyry epizody katavańniaŭ – imavierna, ich było bolej, ale tolki pa hetych žančyna źviartałasia ŭ milicyju.

Pieršy adbyŭsia z 4 na 5 vieraśnia 2022-ha. Pjany Juryj pačaŭ svarku, a paśla jany vyjšli na bałkon i jon udaryŭ Juliju ŭ tvar hałavoj.

Jon złamaŭ joj nos, pryčym pierałom byŭ askolčaty — to-bok, nos unutry raskałoŭsia na niekalki kavałkaŭ. Julija źviarnułasia ŭ lakarniu, ale, imavierna, pra pryčynu pierałomu daktaram nie raspaviała. U sudzie heta paličyli «lohkim cialesnym paškodžańniem».

Nastupnyja vypadki adbyvalisia z 28 pa 30 lipienia 2023-ha, kali mužčyna byŭ pjany. U pieršy dzień mužčyna niekalki razoŭ udaryŭ žančynu pa nazie, a taksama źbiŭ jaje rukami i nahami. Na nastupny Juryj źbiŭ jaje pa hałavie i tułavie.

A 30-ha, užo paśla sproby zdušeńnia, kali žančyna pačała ŭstavać, jon schapiŭ jaje i biŭ rukami, a paśla i butelkaj ź pivam.

Julija admoviłasia davać na jaho pakazańni i prasiła vyzvalić jaho ad kryminalnaj adkaznaści, bo jany «prymirylisia». Ale sud admoviŭ.

Sudździa pierakvalifikavaŭ spravu z 2-j na 1-ju častku artykuła 154 KK. Maŭlaŭ, toje, što žonka znachodziłasia ŭ zaležnym ad jaho stanoviščy, nie dakazana, bo jana sama zarablała hrošy i ŭvohule mahła siabie ŭtrymlivać, a jaje «nizkaja zarpłata» — heta acenačnaje mierkavańnie. Sam jon skazaŭ, što jana ad jaho niezaležnaja: maŭlaŭ, chacieła b źjechać — mahła b.

Prysud byŭ jašče bolš humanny i skłaŭ adzin hod chatniaj chimii. Taksama Juryja zmusiać lačycca ad ałkahalizmu.

«Naša Niva» — bastyjon biełaruščyny

PADTRYMAĆ

Čytajcie taksama:

Žychar Stolina zabiŭ žonku i pasprabavaŭ skončyć žyćcio samahubstvam. Heta jon urezaŭsia ŭ stełu z nazvaj horada

Padazravanamu ŭ zhvałtavańni biełaruski Lizy ŭ centry Varšavy vystaviać abvinavačvańnie ŭ zabojstvie

Nijaki hvałt niedapuščalny. Zajava «Našaj Nivy» pa situacyi z Hannaj Klimovič i Źmitrom Pankaŭcom

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
3
Панылы сорам
17
Ха-ха
0
Ого
1
Сумна
6
Абуральна
24
0
Andruś /adkazać/
12.04.2024
Jon ža nie palityčny tamu takoje miakkaje pakarańnie
1
Trochi pačakajem/adkazać/
12.04.2024
Pakul Juryj dabuchajecca da biełki i zabje dziaciej, a potym pačniem ochać i achać. Sapraŭdy, jon ža nie łajki stavić
0
Gorliwy Litwin/adkazać/
12.04.2024
voś tak i ŭsia Biełaja Ruś, ź jaje ščyraj žanočaj dušoj, u krytyčny momant admoviłasia pryciahnuć da adkaznaści svajho lubaha Haspadara.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera