Znajści
Ałharytmičny łacinski varyjant
12.04.2024 / 13:562RusŁacBieł

Na Homielščynie važnym rabotnikam dziaržsiektara zabaranili zvalniacca biez dazvołu vykankamaŭ

Čynoŭniki sprabujuć zmahacca z kadravym hoładam.

Ilustracyjnaje fota: «Miedyja-Paleśsie»

Dziaržpradpryjemstvy Homielskaj vobłaści atrymali novyja instrukcyi ab paradku zvalnieńnia i pieravodu supracoŭnikaŭ. Ciapier supracoŭnikaŭ dziaržarhanizacyj, jakija pracujuć na najbolš zapatrabavanych pasadach, nielha zvolnić abo pieravieści biez dazvołu vykankama.

Staršyni rajvykankamaŭ pavinny ŭzhadniać usie daterminovyja skasavańni kantraktaŭ sa słužboŭcami ŭ dziaržarhanizacyjach. Heta tyčycca, naprykład, kirujučych pasad u sielhaspradpryjemstvach, ustanovach achovy zdaroŭja i adukacyi, kamunalnych, budaŭničych, transpartnych i inšych pradpryjemstvach, paviedamlaje «Fłahštok».

Taksama biez dazvołu rajvykankama ciapier nie atrymajecca zvolnić pa artykule maładoha śpiecyjalista. Pracavać sistema budzie tak: kiraŭniki dziaržarhanizacyj pierad tym, jak zvolnić supracoŭnika, pavinny buduć pasyłać zapyt u vykankam. Pry hetym jany pavinny zahadzia padabrać kandydaturu na zamienu zvolnienamu supracoŭniku i pieradać jaje na ŭzhadnieńnie.

U vykankamach ustanavili śpiecyjalny štotydniovy kadravy dzień. Rašeńni pa ŭzhadnieńni zvalnieńnia čynoŭniki pavinny buduć prymać kamisijna z abaviazkovym udziełam namieśnika staršyni, jaki kuryruje halinu.

U lipieni 2023 hoda Łukašenka zajaviŭ, što maje namier zabaranić zvalniać kiraŭnikoŭ sielhaspradpryjemstvaŭ biez dazvołu vykankamaŭ. Akramia taho, jon pahražaŭ zabaronaj na zvalnieńni dajarak i miechanizataraŭ.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
2
Панылы сорам
6
Ха-ха
13
Ого
2
Сумна
1
Абуральна
9
0
Nie barin/adkazać/
12.04.2024
Vot tiebie, babuška,i Juŕjev dień. Kriepostničiestvo v 21 viekie.
0
Sposab ad pryhonu/adkazać/
12.04.2024
Sami zvolniać, tolki bčb pakažycie
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera