Znajści
Ałharytmičny łacinski varyjant
14.04.2024 / 18:0018RusŁacBieł

«Vaš aeraport padobny da aŭtastancyi ŭ našym rajcentry». Konsuł Kitaja pračytaŭ natacyju rasijskim čynoŭnikam

Vykonvajučy abaviazki hienkonsuła KNR u Irkucku Suń Čuańczian dniami naviedaŭ kruhły stoł pa spravach turyzmu, u jakim udzielničali pradstaŭniki miascovaj ułady i hramadskija dziejačy. Toje, što im adkryta vykazaŭ kitajski dypłamat na ruskaj movie, jany zapomniać nadoŭha.

Vykonvajučy abaviazki hienkonsuła KNR u Rasii Suń Čuańczian vystupaje na «kruhłym stale» pa spravach turyzmu ŭ Irkucku. Fota: skrynšot videa z telehram-kanała «Novosti zdieś i siejčas|Irkutsk»

Jak paviedamlaje partał IrkutskMedia i inšyja rasijskija miedyja, kitajski dypłamat adkryta i ździekliva raskrytykavaŭ turystyčnuju i łahistyčnuju infrastrukturu Irkucka padčas niadaŭniaha kruhłaha stała z pradstaŭnikami miascovych uład i hramadskich dziejačoŭ.

Kruhły stoł nazyvaŭsia «Čyrvonyja maršruty Irkucka» i abmiarkoŭvalisia ŭ im vyklučna pierśpiektyvy pavieličeńnia turystyčnaj płyni z Kitaja ŭ Irkuck. U svaim vystupleńni Suń Čuańczian zajaviŭ, što ŭ jaho suajčyńnikaŭ jość cikavaść da aznajamleńnia ź Irkuckam, adnak dypłamat źviarnuŭ uvahu na šerah momantaŭ, «jakija strymlivajuć mahčymaści kitajskaha turyzmu».

Siarod ich akazałasia pytańnie abstalavańnia i pamieru irkuckaha aeraporta, jakuju dypłamat adkryta paraŭnaŭ z aŭtobusnaj stancyjaj u kitajskim paviecie.

«Aeraport padobny da našych aŭtastancyj u rajcentrach. U rajcentrach. Ja sam žyvu ŭ adnym haradku ŭ pravincyi Cziansu (administratyŭny centr pravincyi — horad Nankin. — «NN») i tam ciapier pabudavana mietro, jakoje jedzie da rajcentra, a adtul užo da centra horada», — zajaviŭ na ruskaj movie namieśnik hienkonsuła Kitaja ŭ Irkucku Suń Čuańczian padčas kruhłaha stała, krytykujučy infrastruktu horada.

Paviet u Kitai — heta administracyjnaja terytaryjalnaja adzinka, jakaja idzie paśla pravincyj i aŭtanomnych rajonaŭ (akruhaŭ). Kali paraŭnoŭvać ź biełaruskim ci rasijskim terytaryjalnym dzialeńniem, to kitajski paviet — heta rajon.

Dypłamat taksama dadaŭ, što «kali aeraport nie pavialičyć kolkaść stojek rehistracyi i zon dahladu, a taksama nie vydaść bolš kalasak dla pieravozki bahažu i nie aptymizuje praceduru pierasiačeńnia miežaŭ, to turystyčnaja płynia z Kitaja ŭ Irkuck nie pavialičycca».

Partał IrkutskMedia adznačaje, što aeraport Irkucka (jak unutrany, tak i mižnarodny terminał) za apošni čas časta stanaviŭsia abjektam humaru i ździekaŭ.

Tak, naprykład, u listapadzie 2023 hoda irkuckimi ŭładami byŭ pradstaŭleny makiet novaha adnapaviarchovaha paviljona dla ŭnutranych pieralotaŭ z zapłanavanym koštam u amal 600 miljonaŭ rasijskich rubloŭ (6,5 miljona dalaraŭ), ale abličča hetaha terminała nahadvała anhar, a žychary Irkucka ŭ sacsietkach prazvali jaho chlevam.

Ad siabie padkreślim, što MZS Rasii, jaki aktyŭna reahuje na lubuju krytyku zachodnich dypłamataŭ, pakinuŭ biez uvahi słovy namieśnika kitajskaha hienkonsuła.

Makiet novaha adnapaviarchovaha paviljona aeraporta Irkucka dla ŭnutranych pieralotaŭ za amal 600 miljonaŭ rasijskich rubloŭ, jaki byŭ pradstaŭleny haradskimi ŭładami ŭ minułym hodzie. Dyzajn mnohija pryniali krytyčna i navat prazvali paviljon chlevam. Fota: IrkutskMedia

Čytajcie taksama:

Rasija maje płan vajny z Kitajem — FT

Pasoł Kitaja pastaviŭ pad sumnieŭ lehitymnaść postsavieckich dziaržaŭ

Hieapalityčnaja hulnia Kitaja: jakuju rolu vykonvajuć Pucin i Łukašenka?

Nie Zachad, a Kitaj ujaŭlaje saboj siońnia najbolšuju pahrozu ekanomicy Rasii. I pryčyna tut — sonca i viecier

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
23
Панылы сорам
4
Ха-ха
115
Ого
4
Сумна
10
Абуральна
12
0
Maksim Dizajnier/adkazać/
15.04.2024
Fiedzia

Davno na rodinie dalšie 10 km ot luboho horoda był?A tielehi i očko v ziemle i nynie tam. I jeŝie 30 let tam ostavaťsia budut, jeśli nie 50.
0
JANKA/adkazać/
15.04.2024
Śpiec ,🔺tamu što ŭsie hetyja, chto pišuć «krytykuja infrastruktu», na takich praviłach nikoli, badaj, «nie zamoračivaliś». Tolki zaraz voś źmianili tam na «krytykujučy», a da hetaha ««NN»» navat i nie zaŭvažała. Ale, vidać, niechta z dabreńkich čytačočkaŭ źviarnuŭsia z prośbaju, kak vypravili hena «da sojdiot».
0
LITWIN z BRR /adkazać/
15.04.2024
Vład,TAM šmat biełarusaŭ , + cikavaja navina , jak kitajskija pany viartajuć sabie mandžuryju 
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera