Znajści
Ałharytmičny łacinski varyjant
15.04.2024 / 07:24RusŁacBieł

Samalijskija piraty vyzvalili sudna MV Abdullah. Jany śćviardžajuć, što atrymali $5 miljonaŭ vykupu

Hrošy skinuli z pavietra ŭ troch miaškach, paśla čaho 65 pirataŭ pakinuli sudna na dzieviaci łodkach.

Fota: thefinancialexpress.com.bd

Samalijskija piraty vyzvalili sudna MV Abdullah i 23 členy ekipažu paśla taho, jak atrymali vykup 5 miljonaŭ dalaraŭ, piša Bi-bi-si.

Hruzavoje sudna, jakoje chodzić pad ściaham Banhładeš, było zachoplena la ŭźbiarežža Samali miesiac tamu, kali pieravoziła vuhal z Mazambika ŭ Abjadnanyja Arabskija Emiraty.

«My pravieryli sapraŭdnaść kupiur, padzialili ich i syšli», — cytuje Reuters adnaho ź pirataŭ Abdzirašyda Jusufa.

AFP piša sa spasyłkaj na žonku kapitana MV Abdullah Machamieda Abdur Rašyda, što hrošy skinuli z pavietra ŭ troch miaškach, paśla čaho 65 pirataŭ pakinuli sudna na dzieviaci łodkach.

Uładalnik MV Abdullah, kampanija KSRM Group, zajaviła, što sudna i ekipaž byli vyzvalenyja paśla pieramovaŭ.

«My zaklučyli ździełku ź piratami, — skazaŭ AFP pradstaŭnik kampanii Mizanuł Isłam, admoviŭšysia kazać ab sumie vykupu. — Usie členy ekipaža znachodziacca ŭ biaśpiecy».

Paśla vyzvaleńnia sudna adpraviłasia ŭ AAE ŭ supravadžeńni dvuch vajennych karabloŭ.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
0
Ха-ха
0
Ого
0
Сумна
0
Абуральна
6
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera