Znajści
Ałharytmičny łacinski varyjant
15.04.2024 / 07:5918RusŁacBieł

«U jaho mocna adtapyrvałasia kamizelka». U Hiermanii zatrymali biełarusaŭ, jakija krali ŭ kramach

Navat supracoŭnik kramy i pakupnica atrymali lohkija traŭmy.

Ilustracyjnaje fota: stolicaonego.ru

U niamieckim horadzie Parchim (fiederalnaja ziamla Mieklenburh-Piaredniaja Pamieranija), zatrymali dvuch biełarusaŭ pavodle padazreńnia ŭ kradziažy z kramy. Pra heta paviedamlaje sajt «Biełaruś i śviet» sa spasyłkaj na miascovuju palicyju.

Incydent zdaryŭsia ŭ subotu ŭ 11.45 u supiermarkiecie. Da adnaho z mužčyn, jaki prajšoŭ zonu kas i nakiravaŭsia da vychadu, padyšła supracoŭnica, bo ŭ jaho mocna adtapyrvałasia kamizelka. 

Toj adšturchnuŭ jaje i rvanuŭsia da dźviarej, dzie źbiŭ z noh pažyłuju pakupnicu. Supracoŭnica, adnak, zdoleła schapić našaha ziemlaka, ale tamu ŭdałosia vyzvalicca i schavacca ŭ pahruznaj zonie handlovaha abjekta.

U ramkach nieadkładnych pošukavych mierapryjemstvaŭ nieŭzabavie vyjšli na aŭtamabil Honda Insight biełaha koleru z polskimi numarami, jaki moh być źviazany sa złačynstvam.

Kiroŭca pasprabavaŭ paźbiehnuć pravierki patrulom, ruchajučysia z chutkaściu bolš za 100 km/h, ale ŭcioki skončylisia na zanadta vuzkaj dla mašyny ściežcy na susiednim sadovym učastku, dzie jon i byŭ złoŭleny. Druhi złačyniec byŭ aryštavany jašče ŭ supiermarkiecie.

Supracoŭnik i pakupnica atrymali lohkija traŭmy ŭ vyniku šturška i padzieńnia. U zatrymanaha znachodzilisia i inšyja mierkavana skradzienyja tavary na ahulnuju sumu kala 2 tysiač jeŭra — sotni rybnych kansiervaŭ i ŭpakovak kavy, pački šakaładu i vialikaja kolkaść šarykavych dezadarantaŭ. Ich kanfiskavali. Dvoje padazravanych paśla ŭniasieńnia zakładu byli adpuščanyja. Zaraz viadziecca raźbiralnictva.

Nie vyklučana, što achviarami rabavańnia stali i inšyja supiermarkiety, u tym liku za miežami rajona Ludvihsłust-Parchim. Śviedak, jakija mohuć dać jakuju-niebudź infarmacyju, prosiać źviarnucca da pravaachoŭnikaŭ.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
5
Панылы сорам
49
Ха-ха
5
Ого
3
Сумна
0
Абуральна
19
0
Saturn/adkazać/
16.04.2024
[Red. vydalena]
0
Saturn/adkazać/
16.04.2024
[Red. vydalena]
0
Ahiejeŭ /adkazać/
16.04.2024
Jaśka, i ŭ pierachodzie na kamiennaj horcy
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera