Znajści
Ałharytmičny łacinski varyjant
15.04.2024 / 18:2125RusŁacBieł

«Vušami ŭ nas nie kormiać». Bondarava ciapier vajuje ź dziećmi: pahražaje im prastralanymi kaleniami i HUBAZiKam

Danosčyca źbirajecca vyličvać ekstremistaŭ siarod padletkaŭ.

Fota: sacsietki

Danosčyca Volha Bondarava ciapier vajuje ź dziećmi ŭ internecie. Usio pačałosia z taho, što pa jaje patrabavańni ŭ Minsku admianili kancerty dvuch papularnych rasijskich vykanaŭcaŭ — repiera MZLFF i śpiavački Aleny Šviec.

Bondarava napisała danos u Minkult, pakolki joj nie spadabalisia teksty piesień hetych vykanaŭcaŭ. Tam aktyvistka vyjaviła prapahandu ŭsiaho na śviecie: samahubstvaŭ, ŁHBT, hvałtu, ałkaholu i narkotykaŭ, niecenzurnaj łajanki i devijantnych pavodzin.

Pa hetaj samaj pryčynie Bondarava sprabavała sarvać kancert jašče adnaho kumira padletkaŭ GSPD. Vystupleńnie, adnak, adbyłosia. Minkult, praŭda, zabrakavaŭ niekalki piesień, a na samim kancercie narad AMAPa sarvaŭ tradycyjny dla mierapryjemstvaŭ GSPD słem u farmacie «ścienka na ścienku». U Minkulcie zajavili, što kancert prajšoŭ na «niedastatkova vysokim uzroŭni». Paźniej GSPD raskazaŭ, što pieśni, na jakija spasyłałasia Bondarava ŭ danosie, jon daŭno nie vykonvaje.

Pastfaktum čynoŭniki paabiacali Bondaravaj, što ni GSPD, ni Šviec, ni MZLFF vystupać u Biełarusi nie buduć. Aktyvistka vyrašyła, što pieramahła, ale raptam adkryŭsia druhi front.

Niezadavolenyja admienaj kancertaŭ padletki abjadnalisia ŭ čaty, dzie pačali pisać pra Bondaravu i jaje kaleh-danosčykaŭ usio, što dumajuć. Kamientary ŭtrymlivali, tak by mović, krajnie niehatyŭnuju acenku dziejnaści aktyvistki. Bondarava paskardziłasia, što niekatoryja navat pisali joj abrazy ŭ asabistyja paviedamleńni.

Aktyvistka vyrašyła napisać na padletkaŭ, jakija jaje pakryŭdzili, danosy. Jana anansavała, što čaty dziaciej buduć pryznanyja ekstremisckimi, a ŭsie kamientatary buduć zatrymanyja HUBAZiKam. Bolš za toje, Bondarava paabiacała, što ŭ budučyni padletki zmohuć uładkavacca na pracu tolki dvornikami abo dastaŭščykami picy, tamu što jany atrymajuć «taŭro ekstremistaŭ».

Paśla pahroz Bondaravaj padletki pačali vydalać čaty i čyścić kamientary. Adnak aktyvistka praciahnuła pahrozy, navat vyjšła na novy ŭzrovień — stała pahražać dzieciam prastralanymi kalenami. A jašče zrabiła adsyłku da zatrymańnia mierkavanaha terarysta ŭ Rasii, jakomu siłaviki adrezali vucha.

«Dzietki śpiešna vydalajuć svaje kamienty z maciukami, kab nie stać fihurantami cudoŭnych pakajannych videa ad našaha HUBAZa.

Dzieci, supakojciesia: nie staniecie, kali ŭ vašych dziejańniach nie znojduć składu złačynstvaŭ, praduhledžanych ekstremisckimi artykułami. Kali znojduć — staniecie abaviazkova. U nas z hetym surjozna. Vušami, viadoma, nie kormiać, ale nohi, kali raptam što nie tak, prastrelvajuć», — napisała aktyvistka ŭ svaim telehram-kanale.

Pa słovach Bondaravaj, tych, kaho jana vyrašyć nie pryciahvać za «ekstremizm» — aktyvistka, mabyć, prysvoiła sabie takoje prava — pastaviać na ŭlik u milicyi. A baćkoŭ aštrafujuć. Bondarava zajaŭlaje, što zachavała ŭsie kamientary i paviedamleńni padletkaŭ.

Čytajcie taksama:

Bondaravu ŭ čas vybarčaha pikieta ŭ Minsku, kali jana sprabavała stać deputatam, nazvali «rośsijskoj mraźju»

«Strašna toje, što jany robiać u ramkach Sajuznaj dziaržavy». Suprać Bondaravaj i jaje kamandy vystupiŭ navat Mukavozčyk

Chto muž Volhi Bondaravaj? Vyhladaje, što pracuje kiroŭcam u Jeŭrasajuzie

Danosčycy Bondaravaj namalavali na vybarach mienš za 5%

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
11
Панылы сорам
24
Ха-ха
6
Ого
3
Сумна
1
Абуральна
93
0
user/adkazać/
16.04.2024
[Red. vydalena]
0
Mafkees 2 bondarieva./adkazać/
16.04.2024
[Red. vydalena]
0
Nu šo/adkazać/
16.04.2024
Hdie tam pryŝavoje mamkino niedorazumienije s nazvanijem maksimka,nravitsia tiebie eta hadiučja tvaŕ? S nastojaŝiej hiestapovskoj dušoj? Dietiam koleni prostrielivať.
Pokłońnik ch***v
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera