Znajści
Ałharytmičny łacinski varyjant
15.04.2024 / 19:56RusŁacBieł

Padazravany ŭ zabojstvie Lizy Hiercen pryznaŭ vinu

23-hadovy Daryjan S., jaki ciapier znachodzicca pad aryštam u spravie ab zhvałtavańni i zabojstvie biełaruski Lizaviety, pryznaŭ vinu, paćvierdzili telekanału «Biełsat» u Varšaŭskaj akruhovaj prakuratury. Jamu pahražaje ad 12 hadoŭ turmy da pažyćciovaha źniavoleńnia.

Daryjana S. viaduć adrazu paśla zatrymańnia. Fota: srodmiescie.policja.gov.pl

«Padazravany pryznaŭsia va ŭčynieńni złačynstva. Adnak što da źmiestu jahonych tłumačeńniaŭ, ja nie mahu raskryć bolš padrabiazna jahonaj pracesualnaj pazicyi z pryčyny intaresaŭ śledstva», — skazaŭ «Biełsatu» pres-sakratar Akruhovaj prakuratury Varšavy Šyman Banna.

Jon adznačyŭ, što sabranyja dokazy dazvalajuć nie sumniavacca ŭ tym, što złačynstva ździejśniŭ mienavita 23-hadovy Daryjan S. Chłopiec zastajecca pad vartaju, aryšt sankcyjanavany na praduhledžanyja zakonam try miesiacy. Kali rasśledavańnie zaciahniecca, prakuratura budzie chadajničać adnosna padaŭžeńnia terminu. Pakul ža śledčyja čakajuć vyniki psichołaha-psichijatryčnaj ekśpiertyzy, paviedamiŭ pres-sakratar prakuratury:

«Miarkuju, heta pytańnie najbližejšych dzion abo tydniaŭ, kali my zmožam daviedacca chacia b pra papiarednija vyniki ekśpiertyzy. Mnie ciažka skazać, heta ŭ šmat čym zaležyć ad daktaroŭ, ci spatrebiacca im dadatkovyja daśledavańni. Pakul ža vynikaŭ nie majem, čakajem».

Spačatku fihuranta spravy nie abvinavačvali ŭ zabojstvie, bo śledstva nie mieła dokazaŭ taho, što śmierć nastupiła ŭ vyniku mienavita dziejańniaŭ złačyncy. Takija dokazy źjavilisia paśla anatamavańnia, i abvinavačvańnie źmianili. Ciapier Daryjanu S. pahražaje ad 12 hadoŭ turmy da pažyćciovaha źniavoleńnia za zabojstva, hvałt i razboj.

Čytajcie taksama:

«U Paryž razam z kachanym». Što napisała ŭ svaim dziońniku Liza, zabitaja ŭ Varšavie

Lizu Hiercen pachavali na Paŭnočnych mohiłkach Varšavy VIDEA

U Varšavie raźvitvajucca sa zhvałtavanaj i zabitaj biełaruskaj. Na pachavańni byŭ Paźniak z žonkaj FOTA

$5000 za miesca na mohiłkach, $330 za śviatara. Na što chłopiec Lizy patracić sabranyja hrošy?

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
6
Панылы сорам
2
Ха-ха
2
Ого
1
Сумна
7
Абуральна
12
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera