Znajści
Ałharytmičny łacinski varyjant
16.04.2024 / 08:17RusŁacBieł

Pradprymalnik chacieŭ zarabić na kvietkach da 8 Sakavika, ale zastaŭsia vinny ŭ 5 razoŭ bolš

Mužčyna ŭ Hrodnie kupiŭ z ruk mimozy, ciulpany i hornyja ružy. Ich jon pradavaŭ 6 i 7 sakavika. Spačatku niaŭdała abraŭ miesca — dzie fizasoba handlavać kvietkami nie moža. A paśla jaho złavili za handal biez nakładnych. U vyniku mužčyna zarabiŭ 185 rubloŭ — a zastaŭsia vinien u piać razoŭ bolš, piša Hrodna.life.

Ilustracyjny zdymak. Fota: «Naša Niva»

Pradprymalnik handlavaŭ kala kramy kvietkami 6 sakavika — pradavaŭ mimozy, ciulpany, hornyja ružy. Zarabiŭ 185 rubloŭ. Ale pry hetym mužčyna ź leta 2019 hoda znachodzicca ŭ pracesie likvidacyi IP. Jon raspavioŭ, što handlavaŭ jak fizasoba, vypłaciŭšy adziny padatak u sumie 77 rubloŭ. Jon sapraŭdy mieŭ prava handlavać — ale nie ŭ hetym miescy. Tamu parušyŭ zakon.

Jaho sudzili 28 sakavika ŭ ekanamičnym sudzie Hrodzienskaj vobłaści pavodle č.3 art. 13.3 KaAP «Niezakonnaja pradprymalnickaja dziejnaść». Pradprymalnik — uradženiec adnoj z uschodnich krain, na što pakazvaje prystaŭka «ahły» ŭ jaho imia, jakaja aznačaje, što heta mužčyna. U jaho jość vid na žycharstva. Mužčyna — baćka dziciaci.

Mužčynu aštrafavali na 20 bazavych vieličyń (800 rubloŭ) z kanfiskacyjaj 10% prybytku — 18,5 rubloŭ.

Mabyć, taho ž mužčynu sudzili i za handal biez dakumientaŭ i nakładnych (art.13.12 KaAP). Užo 7 sakavika ŭ toj ža kramy jon prapanoŭvaŭ kupić 40 žyvych kvietak — 10 mimoz, 20 ciulpanaŭ, 10 hornych ruž na sumu 105 rubloŭ. Mužčyna raspavioŭ, što kupiŭ ich za najaŭny raźlik u inšym horadzie. Jaho aštrafavali jašče na dźvie bazavyja vieličyni — 80 rubloŭ.

Čytajcie taksama:

«Vostraŭ čyścini» adkryje kramy, jakija začynilisia — uładalnik sietki znajšoŭ rasijskaha inviestara

«Adčuvańnie, što taho žyćcia ŭ Biełarusi prosta nie było». Jak źniščali škoły polskaj movy, raskazaŭ dyrektar adnoj ź ich

Kolki biełaruskich firmaŭ i ich rabotnikaŭ rełakavałasia ŭ Litvu?

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
6
Панылы сорам
7
Ха-ха
2
Ого
3
Сумна
6
Абуральна
14
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera