Znajści
Ałharytmičny łacinski varyjant
16.04.2024 / 14:533RusŁacBieł

Siłaviki pryjšli nočču šukać Leanida Sudalenku ŭ jaho homielskaj kvatery. Toj taktoŭna padkazaŭ, dzie jaho znajści

Pravaabaronca, jaki adbyŭ dva z pałovaj hady za kratami, źjechaŭ z krainy minułym letam.

Siońnia nočču siłaviki pryjšli šukać Leanida Sudalenku ŭ jaho homielskuju kvateru — pravaabaronca źjechaŭ z krainy minułym letam. Pra heta Leanid napisaŭ na svajoj staroncy ŭ fejsbuku i apublikavaŭ fota ź Jeŭrapiejskaha parłamienta.

«Siońnia kala hadziny nočy ŭ kvateru majoj siamji hrukaŭsia major milicyi. Šukajuć navat nočču, niepakojacca…

Leanid Sudalenka ŭ Jeŭraparłamiencie ŭ Brusieli. Fota: jaho fejsbuka

Hetym zdymkam padkazvaju majoru i astatnim vykanaŭcam represij, dzie mianie šukać. Ja tut, kab dakumientavać katavańni, kab raskazvać, u jakich umovach vy trymajecie biełaruskich palitviaźniaŭ-zakładnikaŭ. Jak Nobieleŭski łaŭreat premii mira Aleś Bialacki vyžyvaje ŭ adzinočnaj kamiery ŠYZA. Nie hublajcie marna čas, viarnuś u krainu razam z kanstytucyjnaj zakonnaściu. A pakul — my pamiatajem!»

Znanaha homielskaha pravaabaroncu zatrymali ŭ studzieni 2021 hoda i ŭ listapadzie 2021 hoda jaho asudzili da troch hadoŭ źniavoleńnia. Pravaabaronca vyjšaŭ na volu 21 lipienia, całkam adbyŭšy svoj termin (čas praviedzieny ŭ SIZA ličycca za paŭtara ŭ kałonii) — za kratami Leanida ŭtrymlivali dva z pałovaj hady. Praz dva tydni paśla vyzvaleńnia jon źjechaŭ ź Biełarusi.

Čytajcie taksama:

Leanid Sudalenka: Što my budziem rabić, kali adnojčy ranicaj daviedajemsia, što nobieleŭski łaŭreat Aleś Bialacki pamior u turmie?

Prajšoŭ pieratrus u homielskaj kvatery Leanida Sudalenki

Na Leanida Sudalenku zaviali novuju kryminalnuju spravu

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
61
Панылы сорам
1
Ха-ха
2
Ого
0
Сумна
1
Абуральна
2
0
Tak/adkazać/
16.04.2024
Dobra adkazaŭ!
15
Varyjant/adkazać/
16.04.2024
Tak treba tady zabrać kvateru i vystavić na prodaž)). Jak u Capkały)). I ŭsim budzie dobra)).
1
Sveiki/adkazać/
16.04.2024
Varyjant, nie raŭnaj svajho taksału ź Leanidam - sapraŭdnym biełarusam dy Čałaviekam!
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera