Znajści
Ałharytmičny łacinski varyjant
21.04.2024 / 10:2120RusŁacBieł

Padčas restaŭracyi staražytnaj carkvy ŭ Połacku znajšli siensacyjnaje hrafici

U krasaviku padčas restaŭracyjnych rabot u Spasa-Praabraženskaj carkvie Spasa-Jeŭfrasińnieŭskaha manastyra ŭ Połacku byli znojdzieny novyja hrafici. Adno ź ich utrymlivaje siensacyjny nadpis, paviedamlaje Instytut historyi NANB.

Dacentka BDPU imia Maksima Tanka Ina Kalečyc rasšyfroŭvaje nadpis nastupnym čynam:

«+Prastaviŭsia (pamior) Aŭdakim miesiaca sakavika ŭ pieršy dzień, pa[m]in Śviatoha Spasa. Pamiani, Hospadzi, u žyćci viečnym. Majstar hrečaskaj starany».

Majstra i śviatara Aŭdakima, pra jakoha idzie havorka na hrafici i jaki žyŭ u časy Jeŭfrasińni Połackaj, «možna pastavić u adzin šerah ź viadomymi imionami dojlida Iaana i majstra Łazara Bohšy», ličać ekśpierty Akademii navuk.

Hrafici było znojdziena na paŭnočnych dźviarach chrama, kali byŭ rasčyščany frahmient ściany. Paminalny zapis zrobleny ŭ piać radkoŭ pamierami 17ch6,5 sm.

Jak tłumačać navukoŭcy, chram źjaŭlajecca sapraŭdnaj «biblijatekaj» nadpisaŭ-hrafici — ich kolkaść dasiahnuła čatyroch tysiač. Jany datujucca pieryjadam z XII pa XIX stahodździe.

Restaŭracyja Spasa-Praabraženskaj carkvy Spasa-Jeŭfrasińnieŭskaha manastyra ŭ Połacku ŭniesiena ŭ dziaržprahramu «Kultura Biełarusi» na 2021—2025 hady. Tolki ŭ 2023 hodzie na jaje vydatkavali bolš za 1,6 młn rubloŭ. Raboty pavinny skončycca ŭ biahučym hodzie.

Spasa-Praabraženskaja carkva pabudavana ŭ XII stahodździ, chram raśpisany ŭnikalnymi freskami, jakija na 90 pracentaŭ zachavalisia.

Čytajcie taksama:

Staražytnyja ludzi na terytoryi Biełarusi žyli bolš za 400 tysiač hadoŭ tamu

Biełaruski Stoŭnchendž ci siaredniaviečnyja mohiłki? Admietny kompleks vałunoŭ u Białynickim rajonie dahetul toić zahadki

Znachodki letašnich archieałahičnych raskopak na Miency dadajuć Minsku ŭzrostu

Časova zakryvajuć Safijski sabor u Połacku

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
91
Панылы сорам
6
Ха-ха
2
Ого
17
Сумна
2
Абуральна
10
5
Škiet/adkazać/
21.04.2024
Moža i nie było nijakaj movy, ha?
1
Karton/adkazać/
21.04.2024
Arkuš, maskvy na toj momant jašče nie pabudavali. Kijeŭ byŭ stalicaj, jak i Połack, samastojnaha kniastva. Nazyvalisia ruskimi. Sučasnyja "ruskija" nazvalisia tak namnoha paźniej.

Sučasnaja biełaruskaja i ukrainskija movy bolš zachavali ad staražytnych havorak, čym ciapierašni "ruski". I bolš padobnyja da movaŭ astatnich słavianskich narodaŭ. Kali ŭžo pra "aryhinały" havaryć. 


0
nie biełarus/adkazać/
22.04.2024
Połack adna sa stalic Ruskaha śvietu, ruskaha pravasłaŭja, ruskaści jak jana jość. Jak i Kijeŭ, jak Noŭharad, jak paźniej ich pierajemnik Maskva. Usie nośbity luboj ruskaści - vorahi susiedziam. I NN - vorah, pryhrety ŭ Litvie.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera