Znajści
Ałharytmičny łacinski varyjant
18.04.2024 / 11:056RusŁacBieł

Pamierła 39-hadovaja šmatdzietnaja maci z Babrujska, jakuju raniej sudzili za fota sa ściaham

U Babrujsku ad sardečnaha prystupu pamierła aktyvistka, maci traich dziaciej Iryna Suryhina, paviedamlaje «Biełsat».

Iryna Suryhina, viasna 2021 hoda. Fota ź siamiejnaha archivu

«Była z małodšym synam doma, skazała, što troški palažyć, bo kiepska siabie adčuvała. I voś tak — kažuć, nie vytrymała serca», — raspavioŭ siabar siamji.

Viadoma, što Iryna ciarpieła na hipiertaničnuju chvarobu.

Raźvitańnie z pamierłaj adbudziecca 18 krasavika pa adrasie: vuł.Puškina, 110, Babrujsk, a 15-j hadzinie. Potym pachavańnie na mohiłkach «Łamy».

U Iryny zastalisia troje dziaciej. Starejšaja dačka ŭžo darosłaja, joj kala 20 hadoŭ — jana ciapier zajmajecca arhanizacyjaj pachavańnia. Pakul nieviadoma, chto budzie afarmlać apieku nad małodšymi dziećmi. Viadoma taksama, što ŭ žančyny zastałasia mocna chvoraja maci, jakaja amal nie chodzić.

U 2021 hodzie Irynu Suryhinu zatrymlivali i sudzili za fotazdymak ź bieł-čyrvona-biełym ściaham. Sud tady pryznačyŭ joj niepadjomny štraf u pamiery amal 2000 dalaraŭ, a akramia taho, siamji dali status sacyjalna-niebiaśpiečnaj. Milicyjanty pahražali dzieciam babrujčanki, što pasadziać jaje ŭ turmu, a ich zabiaruć u prytułak.

Paśla tych padziejaŭ Iryna nie źjechała za miažu, zastavałasia ŭ Babrujsku, bo treba było kłapacicca pra chvoruju maci.

@nashanivanews Ninie Bahinskaj prysudzili hihancki štraf za značak #biełaruś#bčb#žyviebiełaruś#bčbściah#biełarusy#minsksiejčas#našaniva♬ DESTRUCTION - SCXR SOUL & NONTHENSE

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
2
Панылы сорам
1
Ха-ха
0
Ого
2
Сумна
80
Абуральна
11
1
Schilaju hałavu/adkazać/
18.04.2024
Jaje dzieci buduć hanarycca svajoj niazłomnaj maci. Z takich charaktarnych i składajecca chrybiet nacyi. Dziakuj za žyćcio i charaktar!
0
Čarkaškvarka/adkazać/
18.04.2024
[Red. vydalena]
2
strana nie dla žiźni/adkazać/
18.04.2024
Strana karatielej fašistov....
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera