Znajści
Ałharytmičny łacinski varyjant
18.04.2024 / 16:377RusŁacBieł

Filip Kirkoraŭ padaŭ na Litvu ŭ sud pa pravach čałavieka. Jaki vynik?

Zajavu rasijskaha śpievaka pryznali nieprymalnaj.

 

Skrynšot videa: sacsietki 

Rasijski śpiavak Filip Kirkoraŭ padaŭ na Litvu ŭ Jeŭrapiejski sud pravoŭ čałavieka. 

Vykanaŭca patrabavaŭ, kab litoŭskija ŭłady źniali zabaronu na ŭjezd u krainu. U 2021 hodzie Litva pryznała Kirkorava pahrozaj dla nacbiaśpieki i zabaraniła jamu ŭjezd na piać hadoŭ, adznačaje «Možiem objaśniť». 

U Kirkorava jość hramadzianstva Bałharyi, jakaja ŭvachodzić u Jeŭraźviaz, ale navat z hetym pašpartam jon nie moh damahčysia dazvołu na ŭjezd u Litvu.

U pazovie ŭ JESPČ śpiavak zajaviŭ, što Litva parušyła jaho prava na svabodu vykazvańnia mierkavańniaŭ. Akramia taho, na dumku Kirkorava, zabarona na ŭjezd — heta prajava palityčnaj cenzury. 

Śpiavak patrabavaŭ taksama pakryć srodki, stračanyja praz skasavańnie kancertaŭ u Litvie. 

Sudździ JESPČ pryznali skarhu nieprymalnaj. U rašeńni suda havorycca, što Kirkoraŭ nie vyčarpaŭ usie srodki pravavoj abarony ŭ Litvie — jon nie padaŭ skarhi ŭ miascovyja sudy. Akramia taho, JESPČ zhadaŭ dovady litoŭskaha boku ab tym, što Kirkoraŭ źjaŭlajecca instrumientam rasijskaj prapahandy.

U pastanovie zhadvajecca, što śpiavak vystupaŭ u akupavanym Krymie i padtrymlivaje rasijskuju ahresiju suprać Ukrainy. 

U rašeńni JESPČ taksama adznačajecca, što Jeŭrapiejskaja kanviencyja pa pravach čałavieka nie harantuje prava na ŭjezd i pražyvańnie ŭ kankretnaj krainie. Nacyjanalnyja ŭrady majuć prava vyznačać pahrozy dla ŭłasnaj nacbiaśpieki.

Čytajcie taksama:

Rasijskija telekanały ihnarujuć 75-hodździe Ały Puhačovaj

Maju ankałohiju spravakavaŭ skandał z Papłaŭskaj — Chanok

«Biez soplaŭ i śloz». Valeryj Lavonćjeŭ abviaściŭ pra zaviaršeńnie karjery

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
30
Панылы сорам
2
Ха-ха
45
Ого
0
Сумна
1
Абуральна
1
0
Imia/adkazać/
18.04.2024
Siadaja zajka, bieź pierjaú
0
Skif/adkazać/
18.04.2024
Kali ú jaho kanfiskujuć majomaść u ZŠA/Majami
0
Zastaŭsia apošni arhumient/adkazać/
19.04.2024
Kaminh-aut rumyna ŭsio bližej.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera