Znajści
Ałharytmičny łacinski varyjant
18.04.2024 / 19:1513RusŁacBieł

Biełaruskija anarchisty narakajuć, što Volha Karač sprabuje stać hałoŭnaj anarchistkaj krainy

Im znajšłasia niečakanaja zamiena.

Hrupa «Anarchičny čorny kryž», jakaja źjaŭlałasia da niadaŭniaha času asnoŭnaj biełaruskaj kantaktnaj arhanizacyjaj Internacyjanału anarchičnych fiederacyj, na svaim sajcie raźmiaściŭ materyjał, u jakim pradstaŭlaje, jak źmianiłasia da ich staŭleńnie z boku suśvietnaha anarchičnaha ruchu.

Aŭtary adznačajuć, što za 15 hadoŭ, što isnuje ich kalektyŭ, jany zaŭsiody adčuvali padtrymku i salidarnaść z boku anarchistaŭ śvietu ŭ ich baraćbie ź biełaruskaj dyktaturaj. Da 2022 hoda im redka davodziłasia sustrakać antyfašystaŭ ci anarchistaŭ za miažoju, jakija sprabavali patłumačyć, što biełaruski režym nasamreč nie taki drenny.

Z pačatkam poŭnamaštabnaj ahresii Rasii va Ukrainu situacyja vielmi mocna źmianiłasia. Zaŭvažnaj stała aktyŭnaja padtrymka anarchistami niekatorych krain mifu nakont taho, što «NATA vajuje suprać Rasii». Akramia hetaha, naziralisia pastajannyja sproby stvareńnia barjeraŭ vakoł temy vajny.

Jak śćviardžajuć aŭtary, jany prapanoŭvali zaprasić kaleh z Ukrainy i Rasii na sustrečy Internacyjanału dla atrymańnia infarmacyi ab situacyi niepasredna ad ich, a nie z sacyjalnych sietak. Adnak, pa ich słovach, «udzieł anarchistaŭ z Ukrainy i Rasii ŭ takich sustrečach byŭ zabłakavany».

Praź niekalki miesiacaŭ «pastajannych sprobaŭ vyklučyć ludziej ź Biełarusi, Ukrainy i Rasii z abmierkavańnia vajny va Ukrainie», biełaruskaja hrupa anarchistaŭ vyrašyła vyjści ź Internacyjanału.

Aŭtary śćviardžajuć, što z-za svajho imknieńnia pakazać, jak vajna va Ukrainie ŭpłyvaje na palityčnuju baraćbu anarchistaŭ i salidarnaść z represiravanymi tavaryšami, ich pačali pryličać da militarystaŭ i prychilnikaŭ vajny, choć napramuju im takoha nichto nie havaryŭ. U vyniku ź imi nie chočuć supracoŭničać.

U toj ža čas zachodnija anarchisty i levyja znajšli sabie novych partnioraŭ.

Va Ukrainie heta miedyjahrupa «Asamleja» z Charkava, jakaja aktyŭna supracoŭničaje z rasijskim historykam Vadzimam Damje, jakoha aŭtary nazyvajuć raspaŭsiudžvalnikam mifa ab fašysckaj Ukrainie.

A ŭ vypadku ź biełarusami antymilitarysty i pacyfisty pačali pracavać z Volhaj Karač.

Fota: facebook/Volha Karač

Aŭtary abvinavačvajuć arhanizacyju «Naš dom», jakoj kiruje Karač, u stvareńni mifa ab masavym ruchu dezierciraŭ unutry Biełarusi, jakija nibyta žadajuć vyjechać z krainy, kab paźbiehnuć mabilizacyi. Prydumany joju «ruch pacyfistaŭ» adpaviadaje toj karcinie śvietu, jakuju stvaryli dla siabie levyja i antyaŭtarytaryi u Jeŭropie.

Z takim padychodam, jak śćviardžajuć aŭtary, «niekatoryja aktyvisckija hrupy ryzykujuć apynucca ŭ pastcy machlaroŭ, jakija zacikaŭleny ŭ pieršuju čarhu ŭ hrašovym baku pytańnia».

U kancy artykuła hrupa zajaŭlaje, što va ŭmovach svajoj izalacyi bolš nie budzie imknucca hrukacca ŭ zakrytyja dźviery na Zachadzie. Tyja, chto cenzuruje hrupy padtrymki, pavinny razumieć, što kali jany sapraŭdy vierać u internacyjanalizm i anarchizm, to na ich kładziecca abaviazak padtrymlivać represavanych. Heta ŭklučaje infarmavańnie hramadskaści ab represijach i zbor srodkaŭ dla dapamohi źniavolenym, jakija praciahvajuć baraćbu.

Čytajcie taksama:

Ad 18 da 20 hadoŭ. Abvieščanyja prysudy pa spravie anarchistaŭ

MUS paviedamiła pra zatrymańnie anarchistaŭ «ź mižnarodnaj złačynnaj arhanizacyi»

Na BT kazali, što jon rychtavaŭ terakt na 3 Lipienia. Homielski anarchist raspavioŭ pra zatrymańnie z vybuchoŭkaj i žyćcio ŭ kałonii

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
13
Панылы сорам
38
Ха-ха
10
Ого
4
Сумна
0
Абуральна
8
0
Alhierd/adkazać/
19.04.2024
Kiejstut, dyk nijakaha inšaha ŭvasableńnia levaj idei ni ŭ koha i nie atrymałasia. Uvieś čas atrymlivajecca niapravilny sacyjalizm, niapravilny anarchizm, niapravilnaja roŭnaść
0
Dziciačaja chvaroba levizny/adkazać/
19.04.2024
Kiejstut, Kolki jašče sprob patrebna tak zvanym levym kab urazumieć, što ich levaja idejałohija pry zachopie ŭłady zaŭsiody pryvodzić da takoha vynika - aŭtarytaryzm ci tatalitaryzm? Mnie voś chapaje histaryčnych prykładaŭ, a levaki praciahvajuć smačna jeści kaktus.
2
babrujčanin/adkazać/
19.04.2024
??? Niejkaha Karač Ola ździviła ?? Mabyć " niechta" mieŭ illuzii?? )) Jak finansavali kpsskhb " kamunruch" roznyje " čyrvonyja bryhady" " anarchistaŭ antihłabalistaŭ" ińšych " femen" usie i zaraz praciahvajecca.Zaŭvažcie dzie svaje " akcyi" pravodzili byłyja bło.chieršy " femen" ..rB Ukraina " eŭraźviaz" I dzie zaraz ŭsia hetaja ...piii
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera