Znajści
Ałharytmičny łacinski varyjant
18.04.2024 / 19:07ŁacBieł

World Press Photo nazvaŭ najlepšych fatohrafaŭ śvietu hetaha hoda

18 krasavika stali viadomy imiony pieramožcaŭ World Press Photo-2024. Zdymkam hoda stała fatahrafija palestynki, jakaja abdymaje miortvaje cieła svajoj plamieńnicy.

U 2024 hodzie na konkurs pastupili 61062 zdymki ad 3851 fatohrafa sa 130 krain. 

Fatahrafijaj hoda staŭ zdymak, zrobleny Machamiedam Salemam (Mohammed Salem). Na im 36-hadovaja Inas Abu Maamar trymaje zahornutaje cieła svajoj plamieńnicy Sali. Dziaŭčynka była zabitaja ŭ ich domie ŭ siektary Haza ŭ vyniku trapleńnia izrailskaj rakiety. U vyniku hetaha napadu zahinuli taksama maci i siastra dziaŭčynki. 

Fatahrafija hoda pa viersii World Press Photo 2024. Fota: Mohammed Salem / Reuters / World Press Photo

Repartažam hoda stała praca fatohrafa z Paŭdniovaj Afryki Li-En Alvahie (Lee-Ann Olwage). Jana ŭ svajoj tvorčaści daśleduje temu demiencyi. Abjektyŭ jaje kamiery supravadžaŭ paŭsiul Pali, jaki pakutuje na demiencyju ŭžo bolš za 10 hadoŭ.

Fota: Lee-Ann Olwage / GEO / World Press Photo

Vieniesuelski fatohraf Alechanda Sehara z prajektam «Dźvie ściany» pra mihracyjnuju palityku ZŠA i Mieksiki pieramoh u naminacyi «Doŭhaterminovy prajekt».

Fota: Alejandro Cegarra / The New York Times / Bloomberg / World Press Photo

Siarod pieramožcaŭ hłabalnaha konkursu — ukrainskaja fotažurnalistka Julija Kočatava. Jana stała łaŭreatam u katehoryi «Adkryty farmat».

Fota: Julia Kochetova / World Press Photo

Bolš fota hladzicie tut. 

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
3
Панылы сорам
0
Ха-ха
0
Ого
1
Сумна
1
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera