Znajści
Ałharytmičny łacinski varyjant
19.04.2024 / 14:433RusŁacBieł

Biełaruski iluzijanist zajaŭlaŭ, što ŭmieje čytać dumki. U Kazachstanie jaho padmanuli na $110 tysiač

Raskusić ašukancaŭ nie zmoh.

Fota: sacsietki

Vasil Viarenič nazyvaje siabie iluzijanistam, mientalistam i mikramaham. Jon zajaŭlaje, što mahija — heta jaho prafiesija. Dla realizacyi čarhovaha mahičnaha prajektu Vasil adpraviŭsia ŭ Kazachstan, dzie asablivyja zdolnaści nie dapamahli jamu vyličyć ašukancaŭ. 

Viarenič pajechaŭ u Ałmaty ŭ 2013 hodzie, tam jon chacieŭ zapuścić biznes-prajekt i kupić nieruchomaść. Dla hastrolaŭ jon zamoviŭ rekvizit u majstra, jaki pracavaŭ nieaficyjna ŭ padvale adnaho z damoŭ. Heta nie vyklikała padazreńniaŭ: Viarenič addaŭ majstru bolš za 40 tysiač dołaraŭ. Rekvizitu nie pabačyŭ, a pačuŭ tolki pahrozy ŭ svoj adras. Palicyja biełarusu, jak jon śćviardžaje, nie dapamahła, paviedamlaje gomel.media. 

Praz try hady Viarenič paznajomiŭsia z kampanijaj, u jakoj byli i supracoŭniki pravaachoŭnych orhanaŭ. Adzin z udzielnikaŭ hetaj kampanii paprasiŭ u biełarusa pazyku 5 tysiač dołaraŭ. Hrošy jon nieŭzabavie viarnuŭ, ale heta, jak akazałasia, była pravierka. 

Praź niekatory čas hety ž čałaviek paprasiŭ pazyčyć kudy bolšuju sumu. Viarenič hrošy pieradaŭ — i bolš ich nie bačyŭ. U 2020 hodzie Vasil źviarnuŭsia ŭ palicyju. Ale śledčym, ź jahonych słoŭ, pryznačyli siabra padazravanaha. Spravu ŭ vyniku zakryli i navat zhubili, zvaroty ŭ inšyja instancyi ni da čaho nie pryviali. Viarenič straciŭ jašče 59 tysiač dołaraŭ.

Ale i heta nie ŭsio: nieŭzabavie jon znoŭ zamoviŭ rekvizit — i jaho znoŭ padmanuli. Hetym razam na 11 tysiač dołaraŭ. Padmanuŭ biełarusa navat juryst — jon pa davieranaści admianiŭ usie jurydyčnyja dziejańni Viareniča. Mužčyna miarkuje, što juryst byŭ u zmovie z ašukancami. 

Straciŭšy za 11 hadoŭ 110 tysiač dołaraŭ, Viarenič źviarnuŭsia ŭ ambasadu Biełarusi ŭ Kazachstanie, u ŚMI, a taksama zapisaŭ videazvarot, kab nadać situacyi ahałosku. Palicyja Ałmaty pačała pravierku pa fakcie machlarstva.

Čytajcie taksama:

Biełarusy ŭvajšli ŭ top kibierzłačynnaści śvietu

U Vjetnamie prysudzili da śmiarotnaha pakarańnia miascovuju miljarderku

57-hadovuju biełarusku mocna abduryŭ «žanich ź Siryi»

Biełarus kupiŭ kavałak dreva za 680 dalaraŭ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
15
Ха-ха
32
Ого
1
Сумна
2
Абуральна
2
1
Łoł/adkazać/
19.04.2024
Kali ty mikramah pa žyćci, to heta nie vylečna.
0
Mah/adkazać/
19.04.2024
Heta byli nie machlary a mahi bolšaha ŭzroŭniu
0
Iharka/adkazać/
21.04.2024
Na duraka nie nužien nož...(Priklučienija Buratino)
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031