Znajści
Ałharytmičny łacinski varyjant
19.04.2024 / 18:32RusŁacBieł

Krainy NATA vyrašyli pieradać Ukrainie dadatkovyja srodki supraćpavietranaj abarony

Jens Stołtenbierh raskazaŭ pra heta paśla sustrečy ministraŭ abarony NATA z prezidentam Ukrainy Uładzimiram Zialenskim.

Amierykanskaja ŭstanoŭka Patriots. Fota: Czarek Sokołowski / AP

Hienieralny sakratar NATA zajaviŭ, što krainy aljansu damovilisia pieradać Ukrainie dadatkovyja srodki supraćpavietranaj abarony. Jens Stołtenbierh raskazaŭ pra heta paśla sustrečy ministraŭ abarony NATA z prezidentam Ukrainy Uładzimiram Zialenskim, piša Bi-bi-si.

«NATA acaniła isnujučyja ŭ krainach aljansu mahčymaści i [ŭstanaviła], što jość sistemy, jakija možna pieradać Ukrainie. Tak što ja čakaju, što nieŭzabavie buduć zrobleny novyja zajavy ab srodkach SPA dla Ukrainy», — skazaŭ Stołtenbierh.

Jon dadaŭ, što akramia amierykanskich ustanovak Patriots (ab ich pastaŭkach Kijeŭ nieadnarazova prasiŭ raniej), «jość taksama inšyja vidy ŭzbrajeńniaŭ, jakija mohuć pieradać sajuźniki, u tym liku [francuzskija] SAMP/T».

«Mnohija inšyja dziaržavy, u jakich niama dastupnych sistem, abiacali pradastavić finansavuju padtrymku dla ich pakupki dla Ukrainy», — skazaŭ hienieralny sakratar NATA.

U apošnija tydni Ukraina prosić svaich zachodnich sajuźnikaŭ jak maha chutčej umacavać jaje siły SPA.

Uviesnu vojska RF aktyvizavała ŭdary pa ŭkrainskich haradach, u tym liku nakiravanyja suprać enierhietyčnaj infrastruktury.

U tym liku rasijskija rakiety całkam źniščyli dźvie bujnyja ciepłavyja elektrastancyi: raźmieščanuju pad Charkavam Źmijeŭskuju CEC i Trypolskuju CEC u Kijeŭskaj vobłaści.

U niadaŭnim intervju Zialenski skazaŭ, što rasijanam udałosia źniščyć Trypolskuju CEC, pakolki va ŭkrainskich sił SPA skončylisia rakiety

Čytajcie taksama:

Ukraina płanuje pačać kontrnastup u 2025 hodzie, kali «pratrymajecca» ŭ 2024 hodzie

Časaŭ Jar. Čamu rasijanam tak važna zachapić hety horad

Zialenski nazvaŭ prymityŭnymi idei Trampa ab zdačy terytoryj u abmien na spynieńnie vajny

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
10
Панылы сорам
0
Ха-ха
1
Ого
0
Сумна
0
Абуральна
1
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera