Znajści
Ałharytmičny łacinski varyjant
22.04.2024 / 08:352RusŁacBieł

Siońnia pačynajecca sud nad nastaŭnicaj 23-j himnazii. Joj pahražaje da 10 hadoŭ źniavoleńnia

Jaje vinavaciać pa dvuch artykułach — č. 1 art 342 KK i č. 2 art. 361-3.

Darja Chmialnickaja. Fota: z apošniaha zvanka

Sud budzie prachodzić u Minskim haradskim sudzie.

Zatrymanaj Darji Chmialnickaj 23 hady, rodam jana ź Minska. Žyła ŭ rajonie Łošycy, ale vučyłasia ŭ biełaruskamoŭnaj 23-j himnazii ŭ centry horada. 

Paśla pastupiła na fiłfak BDU na śpiecyjalnaść «uschodniaja fiłałohija», vučyła kitajskuju movu. Jaje dypłom byŭ pryznany adnym z najlepšych dypłomaŭ fiłfaka 2022-ha. Paśla zakančeńnia ŭniviersiteta Darja pajšła pracavać u svaju 23-ju himnaziju ŭ Minsku, była kłasnaj kiraŭničkaj, pastupiła ŭ mahistraturu fiłfaka BDU.

Taksama jana ŭdzielničała ŭ konkursach pa napisańni ese i pierakładach na biełaruskuju movu. Letaś jana zaniała druhoje miesca na konkursie «Ziarcała słovaŭ» u katehoryi «mastacki pierakład kitajskaj prozy na biełaruskuju movu».

@nashanivanews Pačali sudzić nastaŭnicu ź Minska #biełaruś#učitielnica#našaniva#biełorusy#bhu#fiłfak♬ Crime Scene - Avery Alexander

Darja zachaplajecca kitajskaj kulturaj i viadzie błoh pad niknejmam «Knižny cmok», dzie piša ŭłasnyja fanfiki (tvory pa matyvach inšych viadomych knih, filmaŭ, hulniaŭ i h.d.) na biełaruskaj movie i raspaviadaje pra svajo žyćcio. Apošniaja publikacyja tam datujecca 13 maja 2023 hoda.

Nieviadoma, kali Darju zatrymali, ale, imavierna, uvosień 2023-ha. Jaje vinavaciać pa dvuch artykułach — č.1 art 342 KK i č. 2 art. 361-3.

Pieršy artykuł — arhanizacyja dziejańniaŭ, jakija hruba parušajuć hramadski paradak, ci ŭdzieł u ich. Druhi — viarboŭka, navučańnie, inšaja padrychtoŭka abo vykarystańnie biełarusaŭ dla ŭdziełu na terytoryi inšaj dziaržavy ŭ vajnie, a taksama finansavańnie abo inšaje materyjalnaje zabieśpiačeńnie takoj dziejnaści. Jaho zvyčajna dajuć tym, chto niejkim čynam dapamahaŭ Ukrainie. 

Čytajcie taksama:

Asudžanaha na 13 hadoŭ Paŭła Biełavusa buduć znoŭ sudzić

Vacłaŭ Areška ŭ kałonii amal aślep

Andrej Dźmitryjeŭ: Pakul nie vieru, što ja na voli

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
6
Панылы сорам
6
Ха-ха
1
Ого
2
Сумна
22
Абуральна
64
0
123/adkazać/
22.04.2024
Svołačy, adpuścicie dziaŭčynu
0
Spadar/adkazać/
22.04.2024
Jaki nasamreč žach....Doŭbany jabaćkastan...
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera