Znajści
Ałharytmičny łacinski varyjant
22.04.2024 / 19:196RusŁacBieł

«Skončacca chachły — skončycca SVA». Što pisaŭ u čatach žychar Baranavičaŭ, achryščany «ekstremistam z arsienałam zbroi»

Praŭładnyja kanały raskazali pra zatrymanaha kalekcyjaniera zbroi i čornaha kapalnika Alaksieja Łopucha. I tut ža achryścili jaho ŭdzielnikam pratesnaha ruchu. «Naša Niva» pahladzieła na bijahrafiju Łopucha i toje, što jon pisaŭ u sacsietkach.

Alaksiej Łopuch. Fota ź jahonaj staronki Ukantakcie (archiŭnaja kopija)

Ci sapraŭdy Łopuch zaśviaciŭsia ŭ pratesnych čatach? Tak. Praŭda, jahonyja kamientary niepalityčnyja.

Supołki, u jakich zaśviaciŭsia telehram-akaŭnt Alaksieja

Telehram-akaŭnt Alaksieja byŭ drenna abaronieny, to bok, byŭ adrazu bačny pa jahonym numary. Imavierna, mienavita tak jaho i vyličyli hubazikaŭcy — heta było zusim nieskładana.

U čacie hrupy «Karniki Biełarusi» jon napisaŭ pad adnym z fota siłavikoŭ: «dobraja vintovačka, pad piatnaccać tysiač dalaraŭ razam z prycełam kaštuje».

My znajšli ŭ jaho ahułam try kamientary ŭ «pratesnych» supołkach: u «Karnikach», u čacie kanała LUXTA (Łopuch tam biaskryŭdna pažartavaŭ) i ŭ čacie kanała «Maja kraina Biełaruś» (jon razvažaŭ pra toje, što varta być pilnym z hrašyma za miažoj i nie pakidać ich aby-dzie).

Kamientary ŭ inšych supołkach taksama nie pra palityku. Naprykład, u adnoj z supołak Łopuch raskazvaŭ pra tak zvanyja aptečnyja narkotyki i razvažaŭ, jak nie patrapić za ich za kraty.

Tak nazyvajucca psichatropnyja preparaty, jakija farmalna nie padpadajuć pad narkatyčnaje zakanadaŭstva, ale vyklikajuć źmianieńnie śviadomaści ŭ tym ci inšym vyhladzie (ich možna navat atrymać pa recepcie). U druhoj raspaviadaŭ pra toje, jak spaliŭ viadro epaksidnaj smały i raiŭ čałavieku, što kali ablić bienzinam šyny, to jany buduć doŭha hareć — akurat hety radok na ANT vydajuć za «navučaŭ usich achvotnych abychodzicca z vybuchoŭkaj». U treciaj hutaryŭ pra toje, što ŭziać u doŭhi pachod.

U siužecie ANT Łopucha nazyvajuć «zmaharom». Ale heta niapraŭda. Naprykład, u adnym z čataŭ nie tak daŭno jon nazyvaŭ ukraincaŭ «chachłami», vajnu — «SVA», a taksama prapanavaŭ «padkładać ukraincam u akopy narkotyki, kab raskłaści ich maralna». Vykarystoŭvaŭ słovy «pšeki» i «śvidomyja».

Paviedamleńni Łopucha ŭ adnoj z telehram-supołak

Alaksieju Łopuchu 27 hadoŭ, jon z Baranavičaŭ. Miesca jahonaj pracy nieviadomaje. Zhodna sa źviestkami «Biełpoła», na jakija spasyłajecca Biełsat, jon daŭno zajmaŭsia čornym kapalnictvam i cikaviŭsia zbrojaj.

U 2017-m na Alaksieja zavodzili kryminałku za sprobu pieravieźci ŭ Rasiju hłušylnik dla aŭtamata Kałašnikava, ale ŭ vyniku spravu zakryli. Pa mierkavańni «Biełpoła», heta moža być sihnałam jaho supracoŭnictva sa śpiecsłužbami Biełarusi.

Niekalki razoŭ Łopucha pryciahvali da administracyjnaj adkaznaści za drobnyja parušeńni — znachodžańnie ŭ niećviarozym stanie, adsutnaść flikiera ŭ viečarovy čas.

Usia zbroja Alaksieja vylehčanaja, to-bok nie moža stralać bajavymi patronami. Hranaty taksama biez vybuchovaj častki. Hubazikaviec Mikałaj Tałčkoŭ u videa kaža, što za Łopucham sačyli z 2014-ha hoda, heta značyć, pra zbroju amal napeŭna viedali ŭvieś hety čas.

«Naša Niva» — bastyjon biełaruščyny

PADTRYMAĆ

Čytajcie taksama:

U Baranavičach aryštavali čornaha kapača Alaksieja Łopucha z «arsienałam zbroi». Pry čym tut apazicyja?

Što za bieraściejec, jakoha KDB vystaŭlaje ŭkrainskim dyviersantam? U sacsietkach jon adept «ruskaha śvietu» i prychilnik Rasii ŭ vajnie

KDB moža prapanoŭvać ludziam supracu pad vyhladam ukraincaŭ. Analiz filma pra «terarystaŭ, jakich viało SBU»

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
5
Панылы сорам
13
Ха-ха
35
Ого
3
Сумна
7
Абуральна
11
1
Muk/adkazać/
22.04.2024
Nu tut poniatno. V stranie sotni "tierroristov" i tysiači "ekstriemistov" i vsie biez oružija. Dažie užie dieti śmiejutsia s etoho cyrka na drocie. Rańšie armaturu v haraži podkidyvali, potom Biełyj lehion był so strajkbolnymi ihruškami. Nu a siejčas riešili svojeho sieksota s vychołoŝiennym oružijem priesannuť. Diktator vied́ triebujet posadok, žada miesti vsiemu narodu nikuda nie diełaś, da i očierniať mirnyje protiesty nužno prodołžať. Čto-čto, a v očiernienii diktator podnatorieł v bytnosť svojej raboty komsorhom, politrukom i lektorom obŝiestva Znanije.
1
Cyrk dla adnaho hledača/adkazać/
22.04.2024
Karaciej čarhovy śpiektakl ad hebni, što z kuferaka dastała svajho daŭniaha ahienta kab źniać čarhovy fejk pra zmaharoŭ, maŭlaŭ hladzicie jakija jany ŭsie “ekstremisty z arsienałam zbroi”.
1
tot słučaj - kohda familija hovorit za siebia/adkazać/
22.04.2024
vot užie łopušara 😀
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera