Znajści
Ałharytmičny łacinski varyjant
22.04.2024 / 22:4410RusŁacBieł

«Dać jamu rasijskuju interpretacyju». Kalininhradski hubiernatar zaklikaŭ da revizii fiłasofii Kanta

22 krasavika hubiernatar Kalininhradskaj vobłaści Anton Alichanaŭ vystupiŭ na Mižnarodnym kantaŭskim kanhresie ŭ Bałtyjskim fiederalnym univiersitecie, pryśviečanym 300-hodździu z dnia naradžeńnia fiłosafa. Čynoŭnik nazvaŭ Kanta, jak i ŭsiu Kalininhradskuju vobłaść, «rasijskim trafiejem», piša «Radyjo Svaboda».

Na dumku Antona Alichanava, pohlady Imanuiła Kanta nieabchodna abmiarkoŭvać i interpretavać u duchu času. Jon zajaviŭ, što ciapier Rasija znachodzicca «ŭ centry najmahutniejšaj kahnityŭnaj vajny, dzie zbolšaha supiernik sprabuje prykrycca kantaŭskaj spadčynaj». Tamu spadčynu Imanuiła Kanta nieabchodna padvierhnuć revizii i dać jamu «rasijskuju interpretacyju».

Hubiernatar zajaviŭ, što i Kant, i ŭsio ŭ Kalininhradskaj vobłaści — «rasijski trafiej», i tamu treba razabracca, što mienavita dastałasia Rasii ŭ jakaści trafieja.

Taksama jon aśviatliŭ u svajoj pramovie prablemy raźvićcia technałohij štučnaha intelektu i zadaŭsia pytańniem, ci moža štučny intelekt prytrymlivacca maralnych pryncypaŭ.

«Kali jon stanie tak zvanym mocnym štučnym intelektam, ci budzie jon aryjentavacca na maral čałaviečuju, na tyja samyja kaštoŭnaści, jakija prapisanyja va ŭkazie kiraŭnika dziaržavy?» — spytaŭ hubiernatar.

Za dva miesiacy da taho, u lutym, Alichanaŭ vystupaŭ na źjeździe Rasijskaha tavarystva palitołahaŭ, dzie źviazaŭ pryčyny vajny Rasii va Ukrainie ź fiłasofijaj Kanta. Jon nazvaŭ Kanta «adnoj z duchoŭnych asnoŭ sučasnaha Zachadu» i supraćpastaviŭ jaho etycy rasijskija kaštoŭnaści.

Čytajcie taksama:

Hubiernatar Kalininhrada zajaviŭ, što Imanuił Kant maje pramoje dačynieńnie da vajny va Ukrainie

U Kalininhradzie ŭračysta adkryli pomnik Muraŭjovu-Viešalniku

Kalininhrad, Białhrad, Dubaj, Kazachstan… Jak biełarusy jeduć ź Jeŭropy dadomu praz trecija krainy

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
21
Ха-ха
13
Ого
1
Сумна
0
Абуральна
0
0
Miedavucha/adkazać/
23.04.2024
Zakonu vsiemirnoho tiahotienija pusť etot diatieł dast "riuskuju" intierprietaciju.
0
Volha/adkazać/
23.04.2024
Miedavucha, Usio, što nie ciahacieje da Kramla, pavinna być źniščana. Voś ichny zakon.
0
Žaŭnier NATA/adkazać/
23.04.2024
Časova akupavany Krulaviec chutka vierniecca na radzimu.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera