Znajści
Ałharytmičny łacinski varyjant
23.04.2024 / 17:5311RusŁacBieł

Deputat Kasyhin: «Biełaruś nie pavinna ŭstupać u vajnu, ale…»

Prapahanda zapeŭnivaje nasielnictva, što Biełaruś nie ŭstupić u vajnu, ale krainu ŭ jaje ŭciahvajuć. Što heta za siły?

Temaj čarhovaj prahramy «Pa sutnaści» stała pytańnie biaśpieki Biełarusi. Nie abyšłosia biez abmierkavańnia vierahodnaści ŭstupleńnia Biełarusi ŭ vajnu Rasii suprać Ukrainy.

Jak zaŭvažyŭ namieśnik staršyni pastajannaj kamisii pa nacyjanalnaj biaśpiecy Pałaty pradstaŭnikoŭ hienierał-major Rusłan Kasyhin, jaki ŭ 2020-2023 hadach uznačalvaŭ Hałoŭnaje raźviedvalnaje ŭpraŭleńnie Hienštaba,

«važna razumieć, što niahledziačy na toje, što my vyznačylisia, što Biełaruś nie pavinna ŭstupić u vajnu, bo dla našaj dziaržavy heta budzie vializny ŭdar, ale nas usio roŭna sprabujuć uciahnuć u hetu vajnu».

Deputat hienierał-major Rusłan Kasyhin. Skryn videa CTVBYvideo / YouTube

Na pohlad Kasyhina, Biełaruś u vajnu ŭciahvajuć «zachodnija partniory», jakija sprabujuć takim čynam atrymać jašče adzin ryčah, jaki možna vykarystać dla cisku na kiraŭnika našaj dziaržavy, na ŭsio naša kiraŭnictva i na ŭsiu našu krainu».

Tamu, ličyć deputat, «treba razumieć, što mety i zadačy zachodnich partnioraŭ, jak lubić paŭtarać ministr zamiežnych spraŭ Rasii Łaŭroŭ, adna — destabilizavać abstanoŭku. A heta zrabić možna ŭ tym liku za košt uciahnieńnia nas u vajnu. Što, zrazumieła, dla našaj dziaržavy niedapuščalna».

Dalej Kasyhin patłumačyŭ vykazany Łukašenkam tezis ab tym, što Biełaruś nie źbirajecca vajavać i «Rasii ciapier patrebnaja takaja Biełaruś»: «z boku Ukrainy na miažy ź Biełaruśsiu raźmiaščajucca vojski, jakija źjaŭlajucca vializnym vajennym patencyjałam … Heta siły terytaryjalnaj abarony — vajujučyja vojski. I Respublika Biełaruś zabiaśpiečvaje fłanh, tył našych stratehičnych vajennych sajuźnikaŭ — Rasijskaj Fiederacyi, strymlivajučy la našych miežaŭ hrupoŭku terytaryjalnych vojskaŭ, jakaja niepasredna kala miažy składaje 18 tysiač».

Kasyhina, jaki i raniej vykazvaŭsia ab tym, što ZŠA i ES nie chavajuć svajoj padrychtoŭki da ŭzbrojenaha sutyknieńnia ź Biełaruśsiu i Rasijaj, dapoŭniŭ palitołah Piatro Piatroŭski:

«Zhodna z tezisam našaha prezidenta, Rasija nie zacikaŭlenaja ŭ tym, kab Biełaruś udzielničała ŭ śpiecyjalnaj vajennaj apieracyi. Ciapier pierafrazujem: vorahi Rasii zacikaŭlenyja ŭciahnuć Biełaruś u bajavyja dziejańni».

Čytajcie taksama:

«Rasii ciapier patrebnaja takaja Biełaruś». Łukašenka patłumačyŭ, čamu biełaruskaja armija pakul nie vajuje

Piatroŭski zaklikaŭ da stvareńnia mabilizacyjnaha typu ekanomiki Biełarusi

Biełaruski Hienštab rychtujecca da vajny z Polščaj. Ale abhruntavać heta nie moža biez kanśpirałohii 

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
2
Панылы сорам
41
Ха-ха
17
Ого
2
Сумна
2
Абуральна
15
0
kiosk/adkazać/
23.04.2024
A raźvie nie Rośsija vtiahivajet Biełaruś v vojnu? Ili my s etim słuživym živiom v raznych vsielennych?
0
Za haroj/adkazać/
23.04.2024
BiBiSi za riekoj, kaniešnie ŭciahvajuć! Až płotam adharadzilisia!
0
Haspadar armiejskich čmoń/adkazać/
24.04.2024
Vyrašyŭ, što ustuplu ŭ vajnu praz tydzień paśla kasyhina. Budu pracavać u zahrad-atradzie, jaki ŭ vypadku kali kasyhin i inšyja hienierały militarysty pasprabujuć paviarnuć nazad i źbiažać z nula. Kasyhin u mianie budzie topavym šturmavikom.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera