Znajści
Ałharytmičny łacinski varyjant
23.04.2024 / 18:38RusŁacBieł

Revalucyjny krok u honcy za novym internetam. Stała mahčymym spampoŭvać kvantavyja danyja

Hetaje adkryćcio składana pieraacanić, zapeŭnivajuć navukoŭcy ź Vialikabrytanii i Hiermanii, jakija ŭpieršyniu zdoleli spampavać danyja z kvantavych kampjutaraŭ. Što heta aznačaje na praktycy dla čałaviectva?

Ilustracyjnaja vyjava. Fota: pixabay

Navukoŭcy ź Impierskaha kaledža i Univiersiteta Saŭthiemptana ŭ Vialikabrytanii razam z daśledčykami z univiersitetaŭ Štutharta i Viurcburha ŭ Hiermanii zrabili važny krok da stvareńnia kvantavaha internetu, jaki ŭ pierśpiektyvie niemahčyma ŭzłamać i jaki zdolny ŭ adzin momant vyrašać takija zadačy, na jakija ŭ zvyčajnych umovach mohuć spatrebicca sotni i tysiačy hadoŭ (chutkaje stvareńnie lekaŭ ad nievylečnych chvarob, chutkaje i efiektyŭnaje vyrašeńnie finansavych kryzisaŭ i h.d.).

Sutnaść novaha adkryćcia daśledčykaŭ, jakoje apisaŭ navukovy partał Interesting Engineering, zaklučajecca ŭ paśpiachovaj raspracoŭcy pryłady, jakaja zdolnaja adnačasova stvarać, zachoŭvać i spampoŭvać danyja z kvantavych kamputaraŭ, što raniej ličyłasia amal nievykanalnaj zadačaj.

Reč u tym, što jašče nie isnuje nadziejnaha sposabu pieradavać kvantavyja danyja pa sietcy, bo jany vielmi schilnyja da strataŭ pry pieradačy na vialikija adlehłaści z-za chaatyčnaj i nie da kanca viadomaj pryrody zabłytanych kvantavych čaścic (fatonaŭ).

Zabłytanym fatonam dla stabilnaj pieradačy danych nie patrebna fizičnaje ŭzajemadziejańnie, i jany sinchranizujucca imhnienna na luboj adlehłaści, ale dla hetaha im nieabchodny adnolkavy kvantavy stan (adnolkavaja daŭžynia chvali sihnału) na ŭsich punktach pryjomu suviazi, što nie mohuć dać sučasnyja retranślatary i ŭzmacnialniki internet-sihnału.

Tamu hałoŭnaj zadačaj było stvareńnie pryłady, jakaja ŭ luby momant moža zhienieravać zabłytany faton, zabiaśpiečyć jamu adnolkavuju daŭžyniu chvali pryjomu sihnału pa ŭsioj sietcy, i pry hetym zabiaśpiečyć stabilnaje zachoŭvańnie dy zdabyču kvantavych danych na vialikaj adlehłaści.

I ŭpieršyniu ŭ hetym usim navukoŭcy atrymali pośpiech. 

«Była raspracavanaja pryłada, jakaja pracuje na adnoj daŭžyni chvali. U hetaj pryładzie hienierujucca niezabłytanyja fatony, jakija pieradajucca ŭ sistemu kvantavaj pamiaci (karta pamiaci pryłady), dzie ich zachoŭvajuć z dapamohaj atamaŭ rubidyju. Dla ŭklučeńnia i vyklučeńnia karty pamiaci i vypusku fatonaŭ (spampoŭki danych) vykarystoŭvaŭsia łazier.

Akramia taho, novaja pryłada całkam sumiaščalnaja z najaŭnaj optavałakonnaj infrastrukturaj, što ŭ budučyni dazvolić chutčej ukaranić novuju technałohiju ŭ sučasnuju infrastrukturu hłabalnaha internetu», — piša partał Interesting Engineering sa spasyłkaj na brytanskich i niamieckich navukoŭcaŭ.

Ciapier daśledčyki płanujuć palepšyć sistemu, pamienšyŭšy jaje pamier i pavialičyŭšy praciahłaść zachoŭvańnia zabłytanych fatonaŭ.

Čytajcie taksama:

Kvantavyja kampjutary: voś čamu heta važna

Novaja teoryja, jakaja źviazvaje evalucyju i fiziku, źbiantežyła navukoŭcaŭ

Navukoŭcy ŭździejańniem elektratoku zrabili ludziej bolš padatnymi na hipnoz

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
44
Панылы сорам
2
Ха-ха
1
Ого
8
Сумна
4
Абуральна
1
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera