Znajści
Ałharytmičny łacinski varyjant
23.04.2024 / 22:3141RusŁacBieł

U pałku Kalinoŭskaha niama zhody, kałatnieča idzie adnosna vybaraŭ u Kaardynacyjnuju radu

U paniadziełak, 22 krasavika, bajcy pałka Kalinoŭskaha praviali ahulny zbor, na jakim prysutničała «bolšaja častka» bajcoŭ. Infarmacyja pra heta źjaviłasia na starym sajcie pałka, jaki pierastaŭ funkcyjanavać z minułaha hoda. Na hałasavańnie vynieśli try pytańni: admiena adnaho z rašeńniaŭ kamandziraŭ, vyklučeńnie bajca i stvareńnie Statuta pałka, zhodna z jakim budzie refarmavacca jaho dziejnaść. Aficyjna kiraŭnictva pałka Kalinoŭskaha hetuju infarmacyju nie kamientuje, adnak vydańniu «Lusterka» ŭdałosia pahavaryć z kalinoŭcam, što prysutničaŭ na schodzie. 

Fota ilustracyjnaje

«Ahulny zbor byŭ sklikany, bo rada kamandziraŭ 18 krasavika zabaraniła bajcam pałka Kalinoŭskaha ŭdzielničać u vybarach u Kaardynacyjnuju radu, — raskazaŭ surazmoŭca «Lusterka». — Jany pastavili ŭmovu, što tyja, chto idzie na vybary ŭ KR, pavinny napisać raparty ab zvalnieńni z pałka. Heta pramoje parušeńnie pravoŭ bajcoŭ. Bolš za toje, na ich akazvaŭsia cisk, u asnoŭnym, psichałahičny, abrazy, pahrozy fizičnym hvałtam i hetak dalej».

Bolšaść prysutnych na schodzie prahałasavała za admienu hetaha rašeńnia, adznačaje dabraachvotnik. Pavodle danych, što raźmiaścili na starym sajcie pałka, za admienu rašeńnia kamandziraŭ prahałasavała 78,6% prysutnych.

«Druhim pytańniem było vyklučyć bajca z pazyŭnym Mikoła. Jon pahražaŭ bajcam i kazaŭ, što im treba zvalniacca. Bolšaść pałkavych chłopcaŭ ličać, što jaho dziejańni dyskredytujuć połk Kalinoŭskaha», — havoryć dobraachvotnik.

Pavodle danych sa staroha sajta pałka, za vyklučeńnie bajca prahałasavali 84 pracenty prysutnych.

Taksama kalinoŭcy prahałasavali za stvareńnie pracoŭnaj hrupy pa pryniaćci Statuta pałka (pa danych sa staroha sajta, za hetaje rašeńnie prahałasavaŭ 91 pracent prysutnych). U jaje ŭvajšli pradstaŭniki roznych padraździaleńniaŭ: piachoty, minamiotnaha, BPŁA, inžyniernaha, tyłavoj słužby, miedroty, suviazi, hrupy łahistyki i miechanizavanaj hrupy.

«Treci hod isnuje padraździeł, a niama pryniataha statuta. Niejak usio heta spuskałasia na tarmazach i sabatavałasia. I zaraz hetaja hrupa budzie pracavać da momantu pryniaćcia statuta i narmalizacyi situacyi ŭ pałku, — adznačaje surazmoŭca. — Kamandzir pałka Dzianis Kit padtrymaŭ hetyja try rašeńni. I ciapier pracoŭnaja hrupa zaćvierdziła svaim hałasavańniem paŭnamoctvy Kita jak kamandzira da momantu pryniaćcia statuta, a potym žyćcio pakaža».

Aficyjna kiraŭnictva pałka Kalinoŭskaha pakul nijak nie kamientuje situacyju.

U Kaardynacyjnuju radu źbirajucca bałatavacca 280 čałaviek, vybarčaja kamisija atrymała 13 śpisaŭ. Siarod kandydataŭ — namieśnik kamandzira pałka Kalinoŭskaha Vadzim Kabančuk sa svajoj hrupaj «Vola», jakaja składajecca z 20 čałaviek.

Čytajcie taksama:

U Vilni raźvitalisia z pamierłym kalinoŭcam Alaksandram Carukom

Vyjšła fotakniha pra połk Kalinoŭskaha, nabyć možna za danat

Biełarusy za sutki sabrali na 100 dronaŭ dla pałka Kalinoŭskaha

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
18
Панылы сорам
17
Ха-ха
3
Ого
4
Сумна
1
Абуральна
4
0
Maksim Dizajnier/adkazać/
24.04.2024
Lolik

Kakich statutov, kłoun. Jajca po 17 hrivien za štuku, ili miasnyje šturmy ot Saši Miaśnika Syrskoho pośle dvuch niediel podhotovki?
0
Lolik/adkazać/
24.04.2024
Pytańnie , u KR prystojnym ludziam uvohule niama čaho leźci. Heta samazvanaja kantora.
0
Lolik/adkazać/
24.04.2024
[Red. vydalena]
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera