Белорусскоязычные родители провели праздник родного языка в Минске для своих детей
Несмотря на сильный мороз, дети в сопровождении мам, пап, бабушек и дедушек пришли на семейный праздник родного языка, который объединение белорусскоязычных родителей «Дзеткі-кветкі» организовало в столичном кафе «Грай».
Інтэрактыўная казка тэатра «Завітушка», у якой удзельнічалі хлопчыкі і дзяўчынкі, захапіла ўсіх. Гледачы прыйшлі на свята ў касцюмах лясных жыхароў і патрапілі ў самую сапраўдную лясную школку, дзе была строгая дырэктарка і настаўнікі: авечка, вавёрка і воўк.
Дзяцей чакалі чатыры школьныя ўрокі: астраномія, геаграфія, фізічнае выхаванне і, канечне ж, родная мова. Разам з акцёрамі маленькія гледачы рабілі аплікацыі з каляровага пяску і ляпілі зорнае неба.
Былі і конкурсы для бацькоў, якія, дарэчы, вельмі хвалілі свята, бо яно было сапраўды добра арганізавана: усім хапала месца, матэрыялаў, не было затрымак і паўз у прадстаўленні.
У суполцы «Дзеткі-кветкі» больш за 300 беларускамоўных бацькоў, якія дзеляцца адно з адным карыснай інфармацыяй, падказваюць добрую літаратуру на роднай мове, ладзяць розныя імпрэзы для сваіх дзяцей.
