Svaja nafta lepš hreje

U najbližejšyja dni pačniecca ekspluatacyja Dzianisavickaha radovišča nafty (Kalinkavicki rajon). Pavodle słovaŭ specyjalistaŭ pradpryjemstva «Biełhiealohija», pad kaniec hodu stanie dakładna viadomy abjom zapasaŭ syraviny na radoviščy.

Pašyreńnie Žłobinskaha zavodu

U sakaviku nastupnaha hodu na Žłobinskim metalurhičnym pačniecca mantaž abstalavańnia pa vytvorčaści biasšoŭnych horačakatanych trubaŭ. Paśla hetaj investycyi BMZ maje zaniać 1,5% suśvietnaha rynku hetaj pradukcyi.

MAZ+«Łukojł»=siabry

Mienski aŭtamabilny zavod padpisaŭ pahadnieńnie ab techničnaj supracy z rasiejskaj naftavaj kampanijaj «Łukojł». Zhodna ź im, zmazačnyja alivy vytvorčaści «Łukojłu» buduć uklučany ŭ techničnyja knižki aŭtamabilaŭ MAZ.

Idealohija ŭ metro

Dniami ŭ mienskim metrapalitenie musić raspačacca tranślacyja navin BT i STB. Prajekt pa ŭstanoŭcy 34 plaźmiennych manitoraŭ, što buduć raźmiaščacca na płatformach, kaštavaŭ $450 tysiač. Arhanizavała prajekt pryvatnaja firma «BiełRosReklama». Z 20 stancyj metro televizaraŭ nia budzie tolki na stancyjach «Park Čaluskincaŭ», «Pieršamajskaja» i «Moładzievaja», što nia majuć dastatkovaha pasažyrapatoku.

Sylikonavaje Ŭručča

Park vysokich technalohij raźmieścicca ŭ staličnym mikrarajonie Ŭručča. Biełaruskaja «kremnijevaja dalina» na bazie Akademharadku zojmie płošču ŭ 50 ha.

ZD, afn.by, interfax.by

Клас
Панылы сорам
Ха-ха
Ого
Сумна
Абуральна