Kalandar

2 — Dziady.

2 — 75 hadoŭ z dnia naradžeńnia Alaksandra Barščeŭskaha (1930, pseŭd. Aleś Barski) — litaraturaznaŭca, pierakładčyka j falklarysta, prafesara Varšaŭskaha ŭniversytetu.

4 — zakančeńnie Ramadanu ŭ musulmanaŭ.

8 — 75 hadoŭ z času zapusku pieršaj u BSSR elektrastancyi BiełDRES (Biełaruskaja dziaržaŭnaja rajonnaja elektrastancyja, 1930). Pracuje na torfie.

11 — 50 hadoŭ z dnia naradžeńnia litaraturaznaŭcy Haliny Tyčki (1955). Na pačatku 1990-ch razam z archieolaham Edvardam Zajkoŭskim napisała słavutuju knihu «Staradaŭniaja biełaruskaja kuchnia».

14 — 100 hadoŭ z dnia naradžeńnia zachodniebiełaruskaha paeta Michasia Vasilka (sapr. Michaił Kaścievič; 1905—1960).

15 — 75 hadoŭ tamu ŭ Niesutyčach na Navahradčynie naradziłasia Tamara Stahanovič, biełaruskaja mastačka ŭ ZŠA, dačka pasła ŭ polskim sojmie Alaksandra Stahanoviča.

15 — 50 hadoŭ z dnia naradžeńnia mastaka Siarhieja Vojčanki (1955—2004). Najbolšuju słavu nabyŭ u tvorčym duecie z Uładzimieram Ceśleram.

16 — 100 hadoŭ z dnia naradžeńnia piśmieńnika Jana Skryhana (1905—1992).

20 — 75 hadoŭ tamu Janka Kupała, jakoha ckavała savieckaje NKVD, zrabiŭ sprobu samahubstva (1930). Charakiry nie ŭdałosia — paetu pieraškodziła pilnaje atačeńnie.

21 — 175 hadoŭ z dnia śmierci astranoma, matematyka, filozafa Jana Śniadeckaha (1756—1830), rektara Vilenskaha ŭniversytetu ŭ 1806—1815 h.

24 listapada — 100-hodździe z dnia naradžeńnia dyryžora, narodnaha artysta Biełarusi Lava Lubimava (1905—1977). U 1951—1964 h. byŭ hałoŭnym dyryžoram teatraŭ opery j baletu Biełarusi, pastaviŭ tvory Ja.Cikockaha («Dziaŭčyna z Paleśsia»), Ju.Siemianiaki («Kalučaja ruža»), S.Maniuški («Strašny dvor»).

26 — 75 hadoŭ Uładzimieru Karatkieviču (1930—1984).

26 — 150 hadoŭ z dnia śmierci Adama Mickieviča (1798—1855).

26 — 200 hadoŭ z dnia naradžeńnia knihavydaŭca, publicysta, memuarysta, adnaho z arhanizataraŭ paŭstańnia 1830—1831 h. na terytoryi Biełarusi Jaŭstacha Januškieviča (1805—1874), u emihracyi (Francyja) vydavaŭ tvory A.Mickieviča, Ju.Słavackaha, I.Laleviela.

29 — 175 hadoŭ ad pačatku vyzvolnaha paŭstańnia 1830 h. u Varšavie, što ŭvajšło ŭ historyju pad nazvaj Listapadaŭskaha. U Biełarusi j Litvie jano pačałosia ŭ 1831 h.

Клас
Панылы сорам
Ха-ха
Ого
Сумна
Абуральна