Prodki novaha premjer-ministra Polščy Kazimieža Marcinkieviča pachodziać z uschodniaj Biełarusi.

Tam za carskim časam jany mieli 60 hiektaraŭ ziamli «niedzie miž Mienskam i Smalenskam». U 1920 h. siamja Marcinkievičaŭ — rodavaje proźvišča premjera toje samaje, što ŭ klasyka biełaruskaj litaratury, — uciakła ad balšavikoŭ pad Lidu. Paśla druhoj suśvietnaj vajny znoŭ ucioki — hetym razam na ziemli, zabranyja ŭ Niamieččyny paśla 1945 h.

Premjeru-kanservataru — 46 hadoŭ, pa adukacyi jon — nastaŭnik fizyki. U 1980-ch — siabra «Salidarnaści» i vydaviec niekalkich peryjodykaŭ. Staleńnie Marcinkieviča adbyłosia va ŭmovach uzdymu katalickaha kaściołu, i viadoma, što na jaho pohlady mocna paŭpłyvaŭ ksiondz-jezuit. Dla premjera važnymi źjaŭlajucca siamiejnyja kaštoŭnaści (jon vychoŭvaje čaćviarych dziaciej), i adnačasova nieprymalnyja adnapołyja šluby dy inšyja zahany eŭrapiejskaj demakratyi. U 1990-ch Marcinkievič uvajšoŭ u partyju «Prava i spraviadlivaść».

U Polščy premjer maje paŭnamoctvy, praktyčna roŭnyja prezydenckim. U minułuju niadzielu prezydentam palaki (54% hałasoŭ) abrali pravaha palityka Lecha Kačyńskaha. Pavodle niekatorych źviestak, dalnija prodki Ł.Kačyńskaha pachodziać z-pad Baranavičaŭ.

Клас
Панылы сорам
Ха-ха
Ого
Сумна
Абуральна