Mitynhi ŭ Baku

U šeści i mitynhu apazycyi ŭ centry stalicy Azerbajdžanu, uziali ŭdzieł 30 tys. čałaviek. Udzielniki akcyi pryjšli z aranžavymi ściažkami, u mnohich u vopratcy pieravažaje aranžavy koler — halštuki, šaliki. Mitynhoŭcy patrabavali admieny vynikaŭ parlamenckich vybaraŭ, davodziačy pra sotni falsyfikacyj. Na vybarach u parlament, što prajšli 6 listapada, pieramahła kiroŭnaja partyja, a demakratyčnaja kaalicyja praviała tolki ličanych čałaviek u medžlis. Apazycyja ličyć vyniki sfalšavanymi.

Sieviaryniec na adpačynku

Palitviaźnia Paŭła Sieviarynca na try dni adpuścili z «chimii» ŭ adpačynak. Zakanadaŭstva prapisvaje, što, kali asudžany nia mieŭ spahnańniaŭ, jamu naležyć vodpusk. Pavał bavić čas u baćkoŭ u Viciebsku.

Ździaruć za kožny hradus

Z 1 listapada siaredniamiesiačnaja suma płaciažoŭ za adnapakajovuju kvateru ahulnaj płoščaj 31 m². pry dvuch žycharach vyličanaja ŭ pamiery 67 397 rubloŭ, paviedamiŭ žurnalistam u sieradu namieśnik ministra žyllova-kamunalnaj haspadarki krainy Siarhiej Suško. Suma płaciažoŭ za dvuchpakajovuju kvateru płoščaj 48 m². pry troch žycharach składaje 101 095 rubloŭ, za trochpakajovuju ahulnaj płoščaj 69 m². pry čatyroch žycharach —140 758 rubloŭ.

S.Suško paviedamiŭ taksama, što standart aciapleńnia kvatery ŭstanoŭleny pastanovaj Savieta ministraŭ na ŭzroŭni 18 hradusaŭ. Kali budzie bolš ciopła — roźnica budzie ŭklučacca ŭ raźlikovyja kvitancyi.

AR, ZD

Клас
Панылы сорам
Ха-ха
Ого
Сумна
Абуральна