Nieabchodna razhledzieć pytańnie ab spynieńni naboru na niaprofilnyja śpiecyjalnaści ŭ navučalnych ustanovach. Takoje mierkavańnie vykazaŭ u čaćvier, padvodziačy vyniki pasiadžeńnia kalehii Ministerstva adukacyi, pryśviečanaj pytańniam praviadzieńnia ŭstupnaj kampanii ŭ 2012 hodzie, vice-premjer Biełarusi Anatol Tozik.

Pavodle słoŭ vice-premjera, nadyšła para aptymizavać vydatki, praanalizavać, čamu ŭ rehijonach i Minsku znachodziacca pobač ŭstanovy adukacyi z dublujučymi adzin adnaho śpiecyjalnaściami, fakultetami.

«Treba ŭvažliva praanalizavać situacyju i pa-haspadarsku Ministerstvu adukacyi pryniać rašeńnie ab mahčymym spynieńni naboru na niaprofilnyja śpiecyjalnaści ŭ niekatorych navučalnych ustanovach», — miarkuje Anatol Tozik.

U jakaści prykładu jon pryvioŭ niekalki navučalnych ustanoŭ, u nazvach jakich jość słovy «ahrarny», «politechničny», ale pry hetym jany vypuskajuć jurystaŭ, ekanamistaŭ, śpiecyjalistaŭ śfiery absłuhoŭvańnia i navat rychtujuć dziaržsłužačych.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?