«Novaje žyćcio» pačało štodzionnyja malitvy za zachavańnie budynka fotarepartaž Siarhieja Hudzilina 77

Zdymki carkvy da restaŭracyi i paśla.

Juryst carkvy Siarhiej Łukanin.

Niekatoryja prapaviedniki čytajuć Božaje słova z ajpadaŭ.

Ślapy viernik carkvy "Novaje žyćcio".

Carkva znachodzicca na ŭskrainie Minska, ale ŭžo vakoł jaje pabudavany novyja spalnyja rajony.

28 listapada na schodzie Carkoŭnaj Rady było pryniata rašeńnie pravodzić štodzionnyja malitvy za zachavańnie budynka carkvy.

«24 hadziny ŭ sutki vierniki buduć znachodzicca ŭ budynku carkvy i «prasić Boha ab tym, kab ułady adumalisia, kab Boh nam davioŭ płany ab tym, što rabić, i jak reahavać na dziejańni ŭładaŭ», skazaŭ juryst carkvy Siarhiej Łukanin.

Łukanin zaznačyŭ, što štodnia a 19.00 buduć prachodzić śpiecyjalnyja malitoŭnyja słužeńni ŭ abaronu i padtrymku carkvy. Na hetyja słužeńni prychadžanie «Novaha žyćcia» zaprašajuć usich nieabyjakavych ludziej, u tym liku žurnalistaŭ. «Heta pakul usio, što my vypracavali na pasiadžeńni Rady», — adznačyŭ juryst.

27 listapada relihijnaja hramada Chryścijan poŭnaha Jevanhiella «Carkva «Novaje žyćcio» atrymała pradpisańnie haspadarčaha suda Minska, zhodna ź jakim da 5 śniežnia pavinna vyzvalić budynak pa vulicy Kavalova, 72 (mikrarajon Sucharava). U advarotnym vypadku carkvy pahražaje prymusovaje vysialeńnie.

Prymusovaje vysialeńnie, jak havorycca ŭ dakumiencie, pryznačana «na padstavie sudovaha zahadu haspadarčaha suda horada Minska pa spravie № 526–12/2009 ad 23 kastryčnika». Kiraŭniku carkvy pradpisana da 11 ranicy 5 śniežnia «vyzvalić pamiaškańnie, a taksama padrychtavać kamplekty klučoŭ dla pieradačy patrabavalniku». ŽREU Maskoŭskaha rajona, na terytoryi jakoha raźmieščany budynak abščyny, daručana «na momant prymusovaha vysialeńnie zabiaśpiečyć transpart, rabočuju siłu i ŭsio nieabchodnaje dla vysialeńnia daŭžnika».

Kala siami hadoŭ Minharvykankam sprabuje vysielić carkvu «Novaje žyćcio» z zajmanaha imi budynka. U 2005 hodzie haradskija ŭłady pazbavili relihijnuju hramadu prava karystańnia ziamielnym učastkam, vydzielenym joj u biesterminovaje karystańnie.

Kab prycianuć uvahu hramadskaści da prablem carkvy «Novaje žyćcio», u kastryčniku 2006 hoda vierniki praviali post-haładoŭku, jakaja ciahnułasia kala miesiaca. Udzielniki haładoŭki źmianiali adzin adnaho, pastajanna znachodziačysia ŭ budynku carkvy. Akcyja była spynienaja paśla taho, jak uładam daviałosia adstupić — situacyja vakoł carkvy atrymała šyroki mižnarodny rezanans. U abaronu «Novaha žyćcia» aktyŭna vystupili pradstaŭniki demakratyčnych sił, krainy ES, zamiežnyja palityki, śviatary, relihijnyja abjadnańni.

Tym nie mienš, u 2009 hodzie ŭłady zabrali ŭ hramady prava ŭłasnaści na budynak carkvy, a ŭ lipieni 2010-ha haspadarčy sud Minska nakłaŭ na hramadu sankcyi ŭ pamiery 258 młn. rubloŭ za «zabrudžańnie navakolnaha asiarodździa». Vierniki paličyli dziejańni ŭładaŭ niezakonnymi i vyrašyli nie vypłačvać hetuju sumu. Apošnija paŭtara hoda, prykładna z maja 2011-ha, ułady nie rabili nijakich dziejańniaŭ u dačynieńni da carkvy.

Za 20 hadoŭ isnavańnia «Novaje žyćcio» atrymała bolš jak try dziasiatki sudovych iskaŭ, pastar carkvy Uładzimir Hančarenka i juryst Siarhiej Łukanin nieadnarazova zaznavali ŭcisk z boku ŭładaŭ, u tym liku administracyjny pieraśled.

Tekst: BiełaPAN

Fota Siarhieja Hudzilina

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH