Mietałurham BMZ znoŭ budzie zajzdrościć uvieś rabočy kłas krainy.
U paraŭnańni z papiarednim karparatyŭnym kalendarom, jaki taksama ŭpryhožvali čaroŭnyja supracoŭnicy Biełaruskaha mietałurhičnaha zavoda, novy atrymaŭsia bolš haračy.
Bolš ahniu i słohan «Jany rastapili mietał»: inžyniery, łabarant, kantralor, studentka, vychavalnica, kładaŭščyca i apieratar EVM dakazali, što pryhožyja dziaŭčaty ŭpryhožać saboj i kalandar, i adkazny vytvorčy ŭčastak.
Aficyjnaja prezientacyja karparatyŭnaha kalendara na 2013 hod adbudziecca 20 śniežnia ŭ Žłobinie, u Pałacy kultury mietałurhaŭ.
Upres-słužbie BMZ adznačyli, što karparatyŭny kalandar adlustroŭvaje «nie prosta rolu žančyn na mietałurhičnaj vytvorčaści».
Paetyčnaść mietałurhaŭ uražvaje:
«Pryhažość žanočaha cieła i pryhažość raspłaŭlenaha mietału ŭ peŭnaj miery — rodnasnyja paniaćci, charakternymi rysami jakich źjaŭlajucca płastyčnaść i pryrodnaja pryciahalnaść.Lubaja žančyna, jak i mietał, — heta nabor samych niečakanych, časam supiarečnych pamiž saboj ułaścivaściej. Tak, kali stal, na pieršy pohlad, zdajecca tryvałaj i ćviordaj, to pry peŭnych umovach jana moža źmianić stan, staŭšy miakkaj i hnutkaj. U vypadku z pradstaŭnicami pryhožaj pałovy čałaviectva ŭsio naadvarot: niahledziačy na prafiesiju ci abstaviny, jany ŭmiejuć zastavacca vytančanymi i dalikatnymi. Pry hetym za źniešniaj słabaściu, jak praviła, chavajucca upeŭnienaść, śmiełaść i stalnaja vola».
— Udzieł u takim prajekcie — heta cikavy dośvied. Kali tabie jašče vypadzie mahčymaść adčuć siabie sapraŭdnaj madellu i papracavać z prafiesijnymi vizažystki i fatohrafami, — adznačaje łabarant CZŁ Taćciana Hierasimienka.— Ja ŭdzielničała ŭ letašniaj fotasiesii dla karparatyŭnaha kalendara. U hetym hodzie vyrašyła paŭtaryć, i mnie pašancavała: ja patrapiła ŭ śpis kandydatak. Praŭda, pryjšłosia krychu źmianić imidž. Kali pryjechali ŭ studyju na zdymki, stylist skazaŭ, što treba zrabić stryžku. Ja lublu mianiacca, tamu biez pytańniaŭ pahadziłasia adrezać vałasy, — tak što kali budziecie paraŭnoŭvać fota z papiaredniaha i novaha kalendaroŭ, mianie paznajecie nie adrazu.
Karparatyŭny kalandar budzie raspaŭsiudžany siarod dziełavych partnioraŭ BMZ pa ŭsim śviecie.
0
0
0
0
0
0
