Raźlikovyja rachunki viadučaha biełaruskaha vytvorcy abutku, viciebskaha «Biełviestu», zabłakavanyja. Hetuju infarmacyju paćvierdzili TUT.BY niekalki krynic. Supracoŭniki pradpryjemstva aścierahajucca, što zastanucca biez zarobku napiaredadni navahodnich śviataŭ, abvinavačvajučy ŭ hetym pradstaŭnikoŭ miascovych dziaržorhanaŭ.

U paviedamleńni pradstaŭnikoŭ «Biełviestu» skazana, što «Kamitet dziaržkantrolu pa Viciebskaj vobłaści, pravioŭšy pravierku pradpryjemstva, vyjaviŭ tolki stanoŭčyja i prybytkovyja vyniki pracy. Paśla čaho dziaržorhany pryniali rašeńnie, što ź imi treba dzialicca». Tamu 10 śniežnia napiaredadni vypłaty zarpłaty pracoŭnym «słužbovymi asobami Viciebskaj padatkovaj inśpiekcyi byli aryštavanyja rachunki «Biełviestu». U rasparadžeńniach padatkovaj pakazana, što «ŭ suviazi ź nievykanańniem abo nienaležnym vykanańniem va ŭstanoŭleny termin padatkovaha abaviazacielstva, niaspłataj pieniaŭ, spahnać padatki, zbory, pošliny i pieni za košt hrašovych srodkaŭ, jakija znachodziacca na raźlikovych rachunkach płacielščyka» na sumu bolš za 8 młrd rubloŭ.

Na «Biełvieście „śćviardžajuć, što ŭ ich „całkam adsutničajuć padatkovyja i inšyja abaviazacielstvy pierad biudžetam“.
U toj ža čas bankami prypynienyja ŭsie apieracyi pa rachunkach.

Na abutkovym pradpryjemstvie ličać, što „svaimi dziejańniami Viciebskaja padatkovaja inśpiekcyja parušyła hramadskija intaresy, što vyjaviłasia ŭ niemahčymaści ažyćciaŭlać apieracyi z raźlikovych rachunkaŭ na karyść pracujučych hramadzian, u toj čas jak pa kalektyŭnaj damovie termin vypłaty zarabotnaj płaty ŭstanoŭleny z 14 čysła miesiaca“. U „Biełviesta“ majucca abaviazacielstvy pa sacyjalnaj abaronie pracoŭnych — „ułasny punkt achovy zdaroŭja, stałovaja, jakija patrabujuć štodzionnych bieśpierapynnych vydatkaŭ dla naležnaha absłuhoŭvańnia rabotnikaŭ, vykanańnia mier pa achovie pracy“. „Prypynieńnie ŭsich apieracyj pa rachunkach nanosić niepapraŭnuju škodu i ŭ śfiery haspadarčaj dziejnaści — niemahčyma svoječasova vykonvać kredytnyja abaviazacielstvy pierad bankami, abaviazacielstvy pierad pastaŭščykami, ažyćciaŭlać zakupki syraviny, materyjałaŭ i abstalavańnia dla vytvorčaści abutku. Takim čynam, da Novaha hoda biez srodkaŭ da isnavańnia zastanucca bolš za 2 tysiač pracoŭnych; spynicca vytvorčaść abutku“, — havorycca ŭ liście supracoŭnikaŭ“ Biełviestu».

U kancernie «Biellehpram» adkazali, što pakul «nie vałodajuć infarmacyjaj pa hetym pytańni». Razam z tym tam padkreślili, što «ŭ apošni čas pradpryjemstva narmalna funkcyjanavała, nijakich prablem nie było».

U 200-m filijale Biełarusbanka ŭ Viciebsku skazali tolki, što «ŭ pradpryjemstva [" Biełviest «] kartateka». Heta značyć, što,

pakul daŭhi pradpryjemstva, u dadzienym vypadku pierad padatkovaj, nie buduć pahašany, inšyja płaciažy niemahčymyja.

U inśpiekcyi MPZ pa Viciebskaj vobłaści admovilisia ad kamientaroŭ.

U Kamitecie dziaržkantrolu pa Viciebskaj vobłaści skazali, što «pravierka» Biełviestu «praciahvajecca».
Na abutkovym pradpryjemstvie ŭdakładnili, što kantralory ciapier znachodziacca na daččynym pradpryjemstvie — «Biełviestrytejł».

Sumiesnaje pradpryjemstva «Biełviest» było stvorana ŭ 1988 hodzie ŭ Viciebsku dvuma najstarejšymi abutkovymi pradpryjemstvami Jeŭropy — niamieckaj firmaj «Salamander» i Viciebskaj fabrykaj «Čyrvony Kastryčnik». Paśla taho jak «Salamander» vyrašyŭ syści z abutkovaj haliny, jaho dolu vykupiła rasijskaje pradpryjemstva «Politeks» na čale ź Juryjem Sumaniejevym. «Politeks» da hetaha zajmaŭsia prasoŭvańniem biełaruskaha abutku na rasijskim rynku.

U ciapierašni čas dziaržpakiet akcyj u STAA «Biełviest» u pamiery 55% naležyć «Biellehpramu», astatniaja dola — u rasijskaha inviestara.
U ciapierašni čas ilvinaja dola pradukcyi «Biełviestu» realizujecca ŭ RF, dzie adkryta vialikaja sietka firmovych kramaŭ.

Miesiac tamu Alaksandr Łukašenka zajaviŭ, što abutkovaja halina Biełarusi parazituje na zołatavalutnych reziervach dziaržavy. Jon taksama raskrytykavaŭ prapanovy ŭrada pa stvareńni harbarna-abutkovych chołdynhaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?