Respublikanskaje hramadskaje abjadnańnie «Pierśpiektyva» vystupaje suprać pavieličeńnia adzinaha padatku dla IP.
Jak paviedamiŭ BiełaPAN staršynia rady hramadskaj arhanizacyi Anatol Šumčanka, adpaviedny zvarot adpraŭleny ŭ Administracyju prezidenta i ŭ Kamitet dziaržaŭnaha kantrolu.

«Pierśpiektyva» prosić razhledzieć pytańnie «ab spynieńni dziejańniaŭ Ministerstva pa padatkach i zborach, skiravanych na čarhovaje pavieličeńnie adzinaha padatku dla indyvidualnych pradprymalnikaŭ».

«Nasupierak prapisanaj u dyrektyvie № 4 ab raźvićci pradprymalnickaj inicyjatyvy normy (punkt 4.1): „…zabiaśpiečyć praviadzieńnie na pastajannaj asnovie pracy pa źnižeńni padatkovaj nahruzki…“ urad praciahvaje „hienacyd“ indyvidualnych pradprymalnikaŭ, što paćviardžajecca danymi aficyjnaj statystyki», — havorycca ŭ zvarocie.

Na dumku «Pierśpiektyvy», «adziny padatak u Biełarusi straciŭ svoj pieršapačatkovy sens — fiksavanaha płaciažu, jaki sproščvaje padatkovaje administravańnie, jakim jon źjaŭlajecca ŭ cyvilizavanych krainach.
Jon abros pavyšalnymi kaeficyjentami, PDK u fiksavanaj sumie, aprača taho, mietodyka jaho vyličeńnia taksama pastajanna dapracoŭvajecca MPZ u metach pavieličeńnia padatkovaj nahruzki na kožnaha pradprymalnika».

«Pierśpiektyva» taksama zaznačaje, što ŭ pačatku 2012 hoda Ministerstva pa padatkach i zborach užo ažyćciaviła płany pa pavieličeńni stavak adzinaha padatku dla IP u dva razy. «Urad zabyvaje, što sacyjalnaja funkcyja, jakuju vykonvaje indyvidualnaje pradprymalnictva ŭ ekanomicy krainy, vielmi značnaja. Siońnia jano daje pracu 250 tysiačam čałaviek, na ŭtrymańni ŭ adnaho pradprymalnika znachodziacca ŭ siarednim dva-try čałavieki, zabiaśpiečvaje prymalnymi pa canie i jakaści tavarami nasielnictva, što składaje pa abjomie ¼ roźničnaha tavaraabarotu Biełarusi», — zaznačajecca ŭ liście.

«Pierśpiektyva» prosić umiašacca ŭ inicyjatvy MPZ pa pavyšeńni adzinaha padatku dla pradprymalnikaŭ, «skiravanyja na ŭdušeńnie siektara indyvidualnaha pradprymalnictva ŭ Respublicy Biełaruś, i praduchilić rost padatkaŭ i vyśpiavajučy ŭ krainie z-za niadalnabačnaj palityki ŭrada sacyjalny vybuch».

Pavodle infarmacyi «Pierśpiektyvy», u Minsku adziny padatak na IP praduhledžvajecca pavialičyć na 30%, u rehijonach — da 50%.
«Razam z padatkovaj nahruzkaj, jakaja ŭzrasła sioleta ŭ dva razy, pavialičyłasia arenda ŭ 1,5–2 raza, ź jakoj taksama z našych hrošaj vypłačvajucca padatki. Atrymlivajecca, što na pradprymalnikaŭ kładziecca katastrafičnaja nahruzka, i, pavodle słoŭ mnohich pradprymalnikaŭ, jany pracujuć na dziaržavu i na arendadaŭcu. Na svajo ŭtrymańnie hrošaj u ich moža i chapaje, ale na raźvićcio biźniesu niama», — zaznačyŭ Šumčanka ŭ kamientaryi BiełaPAN.
«Faktyčna siońnia pradprymalniki stanoviacca donarami dla astatnich subjektaŭ haspadarańnia.
Rapartujučy ab źnižeńni stavak padatku dla adnoj hrupy pradprymalnikaŭ, jakija vykarystoŭvajuć inšuju formu padatkaabkładańnia (naprykład, sproščanuju sistemu padatkaabkładańnia), urad pierakładvaje padatkovuju nahruzku na inšych (płacielščyki adzinaha padatku)», — miarkuje kiraŭnik «Pierśpiektyvy».
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?