Sustreča prezidentaŭ Rasii i Biełarusi adbudziecca da kanca hetaha hoda. Pra heta, jak pieradaje RIA Novosti, paviedamiŭ 12 śniežnia žurnalistam u Maskvie biełaruski premjer Michaił Miaśnikovič paśla pasiadžeńnia sajuznaha Savieta ministraŭ.

«Płanujecca, što sioleta budzie kali nie pasiadžeńnie Vyšejšaha dziaržsavieta, to sustreča prezidentaŭ», — skazaŭ Miaśnikovič.

Jak paviedamiŭ ahienctvu Prajm pres-sakratar ministra finansaŭ RF Andrej Maćviejeŭ, Rasija nie płanuje vydzialać finansavyja kredyty krainam — udzielnicam JeŭrAzES na dvuchbakovaj asnovie ŭ nastupnym hodzie, adnak jany mohuć na ich raźličvać u miežach pracy Antykryzisnaha fondu JeŭrAzES.

«Rasija nie płanuje vydzialać finansavyja kredyty krainam — udzielnicam JeŭrAzES na dvuchbakovaj asnovie na hety momant. Adnak u miežach Antykryzisnaha fondu JeŭrAzES 7 śniežnia ŭ Minsku byŭ uchvaleny płan pracy na 2013 hod, u jakim praduhledžvajecca mahčymaść vydzialeńnia kredytaŭ pa linii fondu dziaržavam — udzielnicam JeŭrAzES», — skazaŭ jon.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?