Bierłuskoni ženicca z 27-hadovaj karalevaj pryhažości 16

Były prem'jer-ministr Italii Silvia Bierłuskoni publična pryznaŭsia, što ŭ jaho jość niaviesta. 76-hadovy palityk raspavioŭ u niadzielu ŭ teleintervju Canale 5, što dziaŭčynu zavuć Frančeska i ŭ ich roźnica va ŭzroście 49 hadoŭ.

Raniej ŚMI pisali, što pasijaj Bierłuskoni stała 27-hadovaja byłaja karaleva pryhažości Frančeska Paskale.

«Tak, heta aficyjna. Ja zaručyŭsia ź joj. Jana ź Nieapala. Zavuć Frančeska, i jana nie tolki pryhožaja vonkava, ale i ŭnutrana. Jana da mianie vielmi dobra stavicca, i heta ŭzajemna», — zajaviŭ Bierłuskoni ŭ intervju ŭ pieradačy Domenica 5 Live. Palityk raniej byŭ žanaty dvojčy, jon užo treci hod viadzie šlubarazvodny praces z druhoj byłoj žonkaj, maci svaich traich dziaciej Vieranikaj Łarya.

Eks-premjer raskazaŭ, što znajomy z Frančeskaj siem hadoŭ. Dziaŭčyna ŭznačalvała kłub prychilnikaŭ palityka. Na sabranyja hrošy dobraachvotnikaŭ jana zakazvała samalot, jaki lotaŭ nad uźbiarežžam krainy z płakatam: «Silvia, nam ciabie nie chapaje». Potym jana źmianiła nadpis na «Silvia, mnie ciabie nie chapaje».

Delfi.lt

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH