Vosieńniu 2013 hoda płanujecca zaćvierdzić «darožnuju kartu» pa dałučeńni da arhanizacyi, paviedamiŭ žurnalistam 18 śniežnia na bryfinhu ŭ Maskvie daradčyk prezidenta Rasii Siarhiej Hłaźjeŭ.
«Kyrhyzstan dva hady znachodzicca ŭ stanie pieramoŭ ab dałučeńni da Mytnaha sajuza. Čakajecca, što ŭ 2013 hodzie vosieńniu budzie zaćvierdžana „darožnaja karta“ pa dałučeńni. Apošni termin, u miežach jakoha hetaja praca płanujecca, — 2015 hod, hod pierachodu da Jeŭrazijskaha ekanamičnaha sajuza», — cytuje Hłaźjeva RIA Novosti.
Što da Tadžykistana, to ciapier, pavodle słoŭ čynoŭnika, viaducca papiarednija kansultacyi.
«Praviedzieny raźliki, jakija pakazvajuć krytyčnuju važnaść uvachodžańnia ŭ Mytny sajuz. Razam z tym skłałasia takoje razumieńnie, što pakolki ŭ nas ahulnaja miaža z Tadžykistanam lažyć cieraz Kyrhyzstan, to łahična spačatku dałučycca Kyrhyzstanu, a zatym praviadzieńnie pieramoŭ z Tadžykistanam», — rastłumačyŭ daradčyk.
U Mytny sajuz uvachodziać Biełaruś, Kazachstan i Rasija. Jany majuć namier zaviaršyć da 1 studzienia 2015 hoda kadyfikacyju mižnarodnych dahavoraŭ, što składajuć
