«Usie našy tradycyi pryviazanyja da viaskovaha asiarodździa, a voś jak śviatkavać Kalady u vialikim horadzie nichto nie zadumvaŭsia. My prapanujem svoj varyjant», – zajaŭlaje Aleh Chamienka, jaki ŭ 2013 hodzie adnaŭlaje svoj prajekt «Kaladnyja sustrečy».
Vialiki kancert z hetaj nahody adbudziecca 7 studzienia ŭ klubie Loft. Sam Aleh pradstavić razam z muzykami prahramu «Koła hrukatała» u kłubnym farmacie. Śviatočnuju atmaśfieru paklikany stvaryć hurty Dzivasil i Guda.
«Kaladnyja sustrečy» Aleh Chamienka z paplečnikami pačaŭ pravodzić jašče ŭ 1997 h. «Nam prydumaŭsia taki farmat niešta siaredniaje miž festam i siabroŭskaj viečarynaj, na jakuju my zaprašali, jak rok-, tak i pop-zorak», – raspaviadaje muzykant. Takija kancerty pravodzilisia na roznych bujnych placoŭkach – u pałacy kultury MAZ, teatry estrady, Kupałaŭskim teatry, adnak sioleta Aleh vyrašyŭ zładzić svaje «Kaladnyja sustrečy» u kłubnym farmacie.
«Važna nie tolki carkoŭnaje śviatkavańnie, važna, kab śviata Rastva adznačałasia jašče i hramadskim čynam. Našy tradycyi pryviazanyja da viaskovaha asiarodździa, a voś jak śviatkavać Kalady u vialikim horadzie nichto nie zadumvaŭsia.
My chočam uvieści takuju tradycyju, kab kožny haradski žychar viedaŭ, jak možna kaladavać, jakija pieśni śpiavać, jakija stravy spažyvać», – kaža pan Chamienka.7 studzienia ŭ klubie Loft jon razam z kalehami pradstavić u kłebnym farmacie adzin z hałoŭnych biełaruskich albomaŭ 2012 hoda «Koła hrukatała». U kancercie taksama voźmie ŭdzieł hurt Dzivasil, jaki pracuje ŭ stylistycy etna-embijenta. Razam z hledačami buduć kaladavać udzielnicy ŭnikalnaha biełaruskaha hurta Guda. Akramia śpievaŭ, konkursaŭ i siurpryzaŭ hledačoŭ čakaje admysłovaje mieniu, kožny zmoža zamović tradycyjnyja biełaruskija kaladnyja stravy.
***
7 ctudzienia (paniadziełak). 19.00. Loft cafie (vuł. P. Broŭki, 22).
«Kaladny viečar z Aleham Chamienkam i siabrami».
Kłubnaja premjera prahramy «Koła hrukatała».
Admysłovyja hości: Dzivasil i Guda.
Śpievy, konkursy, siurpryzy, kaladnaje mieniu.
Košt kvitka – 80 000 rub. (uvachod), 100 000 rub. (stolik).
Kvitki na ŭvachod možna nabyć u kasach KVITKI BY i zamović anłajn na sajcie www.kvitki.by/by
Zamović stolik možna zahadzia pa teł. +375 29 38 000 10 (apłata stolika na ŭvachodzie!)
Teł. dla daviedak : + 375 29 6872093.
