Anžalika Ahurbaš raźviančałasia siońnia ŭ Maskvie z byłym mužam 26

Śpiavačka biełaruskaha pachodžańnia Anžalika Ahurbaš i jaje eks-muž rasijski miljanier Mikałaj Ahurbaš pierastali być mužam i žonkaj nie tolki pa dakumientach, ale i pierad Boham. Siońnia ŭ Daniłaŭskaj carkvie ŭ Maskvie adbyłasia cyrymonija skasavańnia carkoŭnaha sajuzu Mikałaja i Anžaliki.

Paru raźvienčvaŭ toj ža samy baciuška, jaki dzieviać hadoŭ tamu, u vieraśni 2003 hoda i zamacavaŭ ich šlub na niabiosach — asabisty sakratar Minskaha i Słuckaha Mitrapalita Fiłareta, protaijerej Mikałaj Koržyč. Śviatar dziela hetaha śpiecyjalna pryjechaŭ ź Biełarusi ŭ Maskvu na adzin dzień.

Niahledziačy na toje, što zhodna z pravasłaŭnym carkoŭnym zakonam cyrymonii «raźviančańnia» nie isnuje, skasavańnie sajuzaŭ u formie śpiecyjalnaj hutarki z tym, chto viančaŭ i jaho błasłaŭleńniem na novy šlub, usio ž taki dapuskajecca.

Sama sustreča z baciuškam muža i žonki prajšła ŭ pamiaškańni haścinicy pry Daniłaŭskaj carkvie ŭ Maskvie, u pamiaškańni restarana. Mikałaj i Anžalika prybytku tudy paasobku i ŭ supravadžeńni pamočnikaŭ i achoŭnikaŭ. Eks-supruhi hutaryli z a. Mikałajem kala dvuch hadzin — razmova vydałasia nie ź lohkich. Ale ŭ vyniku protaijerej ŭchvaliŭ skasavańnie sajuza i dabrasłaviŭ ich na novyja šluby, kali takija zdaracca ŭ budučyni.

Delfi.lt

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH