Ministerstva administracyi i infarmatyzacyi Polščy nie vydatkavała hrašovych srodkaŭ na praviadzieńnie sioletniaha «Basovišča». Adnak arhanizatary zajaŭlajuć, što mierapryjemstva adbudziecca.
U hetym hodzie partnioram «Biełaruskaha abjadnańnia studentaŭ», jakoje pravodzić fiestyval na praciahu 20 hadoŭ budzie fond «Villa socrates», — paviedamiŭ kaardynatar sioletniaha festu Pavieł Hreś:
— My mierkavali, što BAS nie atrymaje finansavańnia — heta praciahvajecca ź minułych hadoŭ, bo tady byli prablemy ź finansavym raźlikam. U kastryčniku damovilisia tak, što fond «Villa socrates» budzie partnioram u arhanizacyi fiestyvalu «Basovišča». Adkaznaść za prajekt i za zdabyćcio srodkaŭ my ŭziali na siabie.
Niahledziačy na toje, što ministerstva nie vydzieliła hrošaj na arhanizacyju
— Ustupnyja pieramovy prajšli, usio idzie da lepšaha. Dumaju, što heta pavinna adbycca tak, jak i ŭ minułym hodzie. Uviesnu Ministerstva praviadzie novy konkurs, my znoŭ budziem padavać svoj prajekt, arhumientujučy našu supracu hetaj damovaj.
«Villa socrates» i «Biełaruskaje abjadnańnie studentaŭ» užo vyznačyli farmat sioletniaha fiestyvalu, arhanizatary buduć aryjentavacca na vykanaŭcaŭ ź Biełarusi, Polščy, Litvy, Ukrainy i Rasiei.
