Siońnia na «Biełsacie» — premjera filma pra Bialackaha + trejler

Dvie žančyny. Ichnaje žyćcio naŭprost vyznačyła palityčnaja situacyja ŭ krainie. Adnu, viaskovuju nastaŭnicu Natallu Iljinič, za hramadzianskuju pazicyju zvolnili z pracy, ciapier kabieta vyžavaje, pradajučy małako ad svajoj karovy dy jabłyki. Druhaja Natalla Pinčuk, represii spaznała praz muža, zasnavalnika i kiraŭnika pravaabarončaj arhanizacyi «Viasna» Alesia Bialackaha.

Volha Švied, režysiorka: «Historyja najnoŭšaj Biełarusi — heta historyja represijaŭ. Kožnaja losavyznačalnyja padzieja — vybary, pavieličeńnie koštaŭ, źmiena zakanadaŭstva — skančajecca represijami. Arhanizacyja ž dapamohi represavanym — u naŭprostavaj kanfrantacyi z represiŭnymi orhanami. Takim čynam, Aleś Bialacki staŭsia u peŭnym sensie asabistym voraham Alaksandra Łukašenki. Bo ŭśviedamlajučy, što ŭ vypadku prablemaŭ tabie jość kamu dapamahčy, pierastaješ bajacca skazać, što dumaješ, ci pajści na akcyju pratestu».

Arhanizacyja dapamohi represavanym «Viasna'96» uźnikła ŭ 1996-m, praz dva hady paśla taho, jak Łukašenka zrabiŭsia prezidentam. Film pakazvaje historyju pravaabarončaha centru na fonie najnoŭšaj historyi Biełarusi. Centralnaja postać stužki — Aleś Bialacki, jon prysutničaje na archiŭnych zdymkach i kadrach kinachroniki, ale ŭ filmie niama vykazvańniaŭ samoha Alesia, aproč apošniaha słova ŭ sudovaj zale. I ŭsio ž jon pramaŭlaje da nas — vusnami svajoj žonki, jakaja raspaviadaje, čamu Aleś abraŭ u žyćci biełaruski šlach, čamu zaniaŭsia abaronaju ludziej ad postkamunistyčnych uładaŭ, jak pastupova pryzvyčajvaŭsia da dumki, što i sam staniecca achviaraju represijaŭ, jak žyŭ z uśviedamleńniem niepaźbiežnaści hetaha. Jaki košt aproč svabody davodziłasia płacić jamu štodnia, i što aznačaje być pobač z takim čałaviekam?

«Kali my čytajem, što „Viasna“ dapamahaje represavanym, za hetym nie staić nijakich emocyjaŭ. Z takich radkoŭ ciažka zrazumieć: što pieražyvaje čałaviek, kali jaho zvalniajuć z pracy, jakaja jość jahonym paklikańniem, što aznačaje zastacca biez srodkaŭ da isnavańnia tolki praz toje, što ty dumaješ, jak nie dazvalajecca? U jakuju asabistuju trahiedyju pieratvarajecca kampanija ckavańnia ŭ nievialikaj vioscy? A jak možna ŭvieś čas žyć z dumkaju, što voś-voś da ciabie ŭ chatu pahrukajucca, a muža pasadziać? Što značyć štodnia čakać muža z pracy i nie viedać, ci jon vierniecca, pry hetym całkam jaho padtrymlivajučy? Ja namahałasia pakazać u hetym filmie čałavieka».

Premjera dakumientalnaha filmu «Viasna» — 6 studzienia, a 18:15.

Belsat.eu

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH